സെന്റ് പീറ്റേഴ്‌സ്ബർഗ്ഗ്:കളിയാക്കലുകള്‍ക്കും, തള്ളിപ്പറച്ചിലുകള്‍ക്കും വിരാമമിട്ട് മെസ്സിയുടെ അർജന്റീന പ്രീക്വാർട്ടറിൽ കടന്നു.അടിമുടി ഉദ്വേഗം മുറ്റിനിന്ന തൊണ്ണൂറ്റിനാല് മിനിറ്റിനൊടുവില്‍ ഗ്രൂപ്പ് ഡിയിലെ അവസാന മത്സരത്തില്‍ നൈജീരിയയെ ഒന്നിനെതിരേ രണ്ട് ഗോളിന് കീഴ്പ്പെടുത്തിയാണ് അര്ജന്റീന പ്രീക്വാര്‍ട്ടറിലെത്തിയത്. പതിനാലാം മിനിറ്റില്‍ ലയണല്‍ മെസ്സിയുടെ ഗോളിലാണ് അര്ജന്റീന ആദ്യം ലീഡ് നേടിയത്. എന്നാല്‍, ഹാവിയര്‍ മഷരാനോ സമ്മാനിച്ച ഒരു പെനാല്‍റ്റി വലയിലാക്കി വികടര്‍ മോസസ് നൈജീരിയയെ ഒപ്പമെത്തിച്ചു.നോക്കൗട്ട് റൗണ്ടിലെത്താന്‍ ജയം അനിവാര്യമായിരുന്ന അര്‍ജന്റീനയ്ക്ക് മാര്‍ക്കസ് റോഹോയാണ് 86 ആം മിനിറ്റിൽ വിജയഗോള്‍ സമ്മാനിച്ചത്.വലതു വിങ്ങിലൂടെ ഓടിക്കയറിയ മെര്‍കാഡോ ഗോള്‍ലൈനിനോട് ചേര്‍ന്ന് നല്‍കിയ നെടുനീളന്‍ ക്രോസ് ബോക്സിനുള്ളില്‍ റോഹോയുടെ ബൂട്ടില്‍. ഒരു നിമിഷം പോലും പാഴാക്കാതെ റോഹോയുടെ ബൂട്ടിലൂടെ പന്ത് വലയില്‍. അതിമനോഹര ഫിനിഷിങ്ങില്‍ നീലക്കടലായ ഗാലറി ഇരമ്ബി. അര്ജന്റീന പ്രീക്വാര്‍ട്ടറിലേക്ക്.അഞ്ച് മാറ്റങ്ങളുമായാണ് അര്ജന്റീന കളത്തിലിറങ്ങിയത്. ഗോള്‍ കീപ്പറായി അര്‍മാനി, സ്ട്രൈക്കറായി ഗോണ്‍സാലോ ഹിഗ്വയിന്‍, ഡിമരിയ, റോഹ, മരേഗ എന്നിവരും ടീമില്‍ ഇടം നേടി. 4 -4 -2 ശൈലിയിലാണ് അര്ജന്റീന കളത്തിലിറങ്ങുന്നത്. എയ്ഞ്ചല്‍ ഡി മരിയയും ലയണല്‍ മെസ്സിയും സ്റ്റാര്‍ട്ടിങ് ഇലവനിലുണ്ട്. ഗോള്‍കീപ്പര്‍ വില്ലി കബല്ലെറോയേയും സെര്‍ജിയോ അഗ്യൂറയേയും മാക്‌സി മെസയേയും സൈഡ് ബെഞ്ചിലേക്കി മാറ്റിയ സാംപോളി ഗോണ്‍സാലൊ ഹിഗ്വെയ്ന്‍, എവര്‍ ബനേഗ, മാര്‍ക്കോസ് റോഹോ, ഗോള്‍കീപ്പര്‍ ഫ്രാങ്കോ അര്‍മാനി എന്നിവരേയാണ് ആദ്യ ഇലവനിലേക്ക് പരിഗണിച്ചത്.
