June 2023

തിരുവനന്തപുരം:ആധാർ കാർഡ് പുതുക്കുന്നതിനുള്ള സമയപരിധി 2023 സെപ്തംബർ 14 വരെ നീട്ടി. പത്ത് വർഷം മുൻപെടുത്ത ആധാർ കാർഡുകൾ സൗജന്യമായി ഓൺലൈനിൽ പുതുക്കാവുന്നതാണ്. കേരള സംസ്ഥാന ഐടി മിഷന്റെ ഒഫീഷ്യൽ ഫേസ്ബുക്ക് പേജിലൂടെയാണ് ഇക്കാര്യം അറിയിച്ചിരിക്കുന്നത്.മൊബൈൽ നമ്പർ ആധാറുമായി ബന്ധിപ്പിച്ചവർക്ക് മാത്രമേ ഓൺലൈൻ സംവിധാനം ഉപയോഗിക്കാൻ കഴിയുകയുള്ളൂ എന്നും അറിയിപ്പിലുണ്ട്.പത്തുവർഷത്തിലേറെയായി ആധാർ വിശദാംശങ്ങൾ അപ്ഡേറ്റ് ചെയ്യാത്തവർക്ക് അവരുടെ മേൽവിലാസമോ, ജനനത്തിയതിയോ, മറ്റ് വിവരങ്ങളോ സൗജന്യമായി തിരുത്തുന്നതിന് ജൂൺ 14 വരെയായിരുന്നു നേരത്തെ സമയം അനുവായിച്ചിരുന്നത്.എന്നാൽ അക്ഷയ സെന്ററുകളിലെ ഉൾപ്പെടെ സാങ്കേതികപ്രശ്‌നങ്ങൾ കാരണം വെബൈസൈറ്റ് ലഭ്യമല്ലെന്ന കാരണത്താൽ നിരവധിപേർക്ക് ആധാർ പുതുക്കാനുള്ള അവസരം ലഭിക്കാതിരുന്ന സാഹചര്യത്തിലാണ് കാലാവധി നീട്ടിക്കൊണ്ടുള്ള അറിയിപ്പ്.അക്ഷയ കേന്ദ്രങ്ങൾ വഴിയും ആധാർ കേന്ദ്രങ്ങൾ വഴിയും സേവനം ലഭ്യമാക്കാവുന്നതാണ്. 50 രൂപയാണ് ഫീസ് നൽകേണ്ടത്.

ആലപ്പുഴ: പുന്നമൂട്ടിൽ ആറുവയസുകാരിയെ പിതാവ് വെട്ടിക്കൊലപ്പെടുത്തി.ഴു കൊണ്ട് കുട്ടിയുടെ കഴുത്തിൽ വെട്ടുകയായിരുന്നു ഇയാൾ.പുന്നമൂട്ടിൽ ആനക്കുട്ടിൽ നക്ഷത്രയാണ് പിതാവിന്റെ വെട്ടേറ്റ് കൊല്ലപ്പെട്ടത്.കുട്ടി സംഭവസ്ഥലത്തുവെച്ച് തന്നെ മരിച്ചു. ആശുപത്രിയിലെത്തിക്കുമ്പോഴേക്കും കുട്ടി മരിച്ചുകഴിഞ്ഞിരുന്നുവെന്ന് അധികൃതർ പറഞ്ഞു. അതേസമയം ഇയാൾക്ക് മാനസിക പ്രശ്‌നമുണ്ടെന്നാണ് പ്രദേശവാസികൾ പറയുന്നത്. മുള്ളിക്കുളങ്ങര ഗവ. എൽ.പി. സ്‌ക്കഉൂളിലെ രണ്ടാം ക്ലാസ് വിദ്യാർത്ഥിനിയാണ് നക്ഷത്ര.നക്ഷത്രയുടെ കഴുത്തിന് വലത് ഭാഗത്താണ് മഴു കൊണ്ട് വെട്ടേറ്റത്. സംഭവവുമായി ബന്ധപ്പെട്ട് നക്ഷത്രയുടെ പിതാവ് മഹേഷിനെ (38) പൊലീസ് അറസ്റ്റ് ചെയ്തു.ഇന്നലെ രാത്രി ഏഴരയോടെയാണു ആക്രമണം.മഹേഷും മകളും മാത്രമായിരുന്നു വീട്ടിൽ താമസം. മഴു ഉപയോഗിച്ച് നക്ഷത്രയുടെ കഴുത്തിൽ മഹേഷ് വെട്ടുകയായിരുന്നു. സമീപത്തുള്ള മഹേഷിന്റെ സഹോദരിയുടെ വീട്ടിൽ താമസിക്കുന്ന മുത്തശ്ശി സുനന്ദ (62) ബഹളം കേട്ട് ഓടിച്ചെല്ലുമ്പോൾ വെട്ടേറ്റ് കിടക്കുന്ന കുട്ടിയെയാണ് കണ്ടത്. ഇത് കണ്ട് പുറത്തേക്കോടിയ സുനന്ദയെ മഹേഷ് പിന്തുടരുകയും ആക്രമിക്കുകയും ചെയ്തു. ഇവരുടെ കഴുത്തിനും തലക്കും വെട്ടേറ്റു. ഇവരെ മാവേലിക്കര ജില്ലാ ആശുപത്രിയിൽ പ്രവേശിപ്പിച്ചു. പോലീസ് എത്തി ബലം പ്രയോഗിച്ച് മഹേഷിനെ കീഴ്‌പ്പെടുത്തുകയായിരുന്നു.ബഹളം കേട്ട് ഓടിക്കൂടിയ പ്രദേശവാസികൾക്ക് നേരേ പ്രതി മഴു വീശി ഭീഷണിപ്പെടുത്തുകയും ആക്രമിക്കാൻ ശ്രമിക്കുകയും ചെയ്തു. നക്ഷത്രയുടെ അമ്മ വിദ്യ ഒന്നര വർഷം മുൻപ് മരണപ്പെട്ടിരുന്നു. രണ്ടര വർഷം മുൻപാണ് മഹേഷിന്റെ പിതാവ് ട്രെയിൻ തട്ടി മരണപ്പെടുന്നത്. അച്ഛന്റെ മരണത്തെ തുടർന്ന് വിദേശത്തായിരുന്ന മഹേഷ് നാട്ടിലെത്തുകയായിരുന്നു.

കണ്ണൂർ: കണ്ണൂർ എസ്പി ഓഫീസിന് സമീപം യുവാവിനെ കുത്തിക്കൊലപ്പെടുത്തി. ലോറി ഡ്രൈവറായ പൂളക്കുറ്റി സ്വദേശി വി.ഡി.ജിന്റോ(39)യാണ് കൊല്ലപ്പെട്ടത്. രാവിലെ 3 മണിയോടെയാണ് സംഭവം. മോഷണശ്രമത്തിനിടെയാണ് കൊലപാതകം നടന്നതെന്നാണ് സൂചന. രണ്ട് പേരാണ് കൃത്യത്തിന് പിന്നിലെന്നാണ് പോലീസ് പറയുന്നത്. സംഭവത്തിൽ ഒരാളെ അറസ്റ്റ് ചെയ്തിട്ടുണ്ട്.കണ്ണൂർ പഴയ ബസ് സ്റ്റാൻഡിലാണ് ഇയാളെ മരിച്ച നിലയിൽ കണ്ടെത്തിയത്. ശരീരത്തിൽ നിരവധി മുറിവുകളുണ്ട്. മാർക്കറ്റിൽ ഇറക്കാനുള്ള ലോഡുമായി എത്തിയതാണ് ഇയാളെന്ന് നാട്ടുകാർ പറയുന്നു. കുത്തേറ്റ് ഓടുന്നതിനിടെ ജിന്റോ റോഡിൽ വീഴുകയായിരുന്നു. വീണ ഉടനെ ഇയാൾ മരിച്ചെന്ന് ദൃക്‌സാക്ഷികൾ പറഞ്ഞു.ഭാര്യ ലിഡിയ.സംസ്ക്കാരം നാളെ രാവിലെ 11 മണിക്ക് പൂളക്കുറ്റി പള്ളിയിൽ.