keralanewspress

കാഞ്ഞങ്ങാട്:  ലോകമാന്യ തിലകിൽ നിന്നും തിരുവനന്തപുരത്തേക്ക് പോകുന്ന നേത്രാവതി എകസ്പ്രസ്സിൽ നിന്നും പുറത്തേക്ക് തെറിച്ച് വീണ് യുവാവിന് സാരമായി പരിക്കേറ്റു. ഇന്ന് പുലർച്ചെ  ബേക്കൽ ജൻക്ഷനടുത്താണ് അപകടം നടന്നത്. കൈകളിലെയും തുടയിലെയും എല്ലുകൾ പൊട്ടി ചോര വാർന്ന നിലയിൽ ട്രാക്കിനരികിൽ കിടക്കുന്ന വിവരം  നാട്ടുകാർ ബേക്കൽ സ്റ്റേഷനിൽ വിവരമറിയിക്കുകയായിരുന്നു.
ബേക്കൽ സ്റ്റേഷനിൽ നിന്നും ഉടനെ തന്നെ പോലീസകാരെത്തി ഉദുമ ആശുപത്രിയിൽ പ്രാഥമിക ചികിത്സ നൽകി വളരെ പെട്ടന്ന് തന്നെ പരിയാരം മെഡിക്കൽ കോളേജിലെത്തിച്ചതിനാൽ യുവാവിന്റെ ജീവൻ രക്ഷിക്കാൻ സാധിച്ചു.

കൊല്ലം:  പെട്രോൾ  പമ്പിനെതിരെ അപവാദ പ്രചരണം നടത്താൻ വീഡിയോ റെക്കോർഡ് ചെയത് സോഷ്യൽ മീഡിയ വഴി പ്രചരിപ്പിച്ച യുവാവ് നിയമ നടപടികളിൽ പെടുമെന്ന് ഉറപ്പായതോടെ ക്ഷമാപണ വീഡയോയുമായി വീണ്ടും രംഗത്തെത്തി. വ്യക്തി വൈരാഗ്യം തീർക്കുന്നതിനായി പെട്രോൾ പമ്പിൽ മായം കലർന്നിരിക്കുന്നു എന്ന് വരുത്തി തീർക്കാൻ രണ്ട് വ്യത്യസ്ത പമ്പുകളിൽ നിന്നും വാങ്ങിയത് എന്ന് അവകാശപ്പെട്ട ഡീസലിന്റെ നിറവ്യത്യാസം കാണിച്ചായിരുന്നു യുവാവിന്റെ വീഡിയോ സോഷ്യൽ മീഡിയകളിൽ പ്രത്യക്ഷപ്പെട്ടത്. പെട്രോൾ, ഡീസൽ എന്നിവയുടെ നിറവ്യത്യാസം തികച്ചും സ്വാഭാവികമാണെന്നും സാന്ദ്രതയാണ് അടിസ്ഥാന ഗുണ പരിശോധനയായി കണക്കാകേണ്ടത് എന്ന വിദഗ്ദ്ധ അഭിപ്രായം  വന്നതോടെ യുവാവ് വെട്ടിലായി. ഇതോടെ നിയമ നടപടികൾ സ്വീകരിക്കാൻ പമ്പുടമ തീരുമാനിച്ചതറിഞ്ഞ് യുവാവ് പരസ്യമായി മാപ്പ് പറഞ്ഞ് കൊണ്ട് വീണ്ടും രംഗത്തെത്തി.

സമൂഹമാദ്ധ്യമങ്ങളിൽ കൂടി പമ്പുകൾക്ക് എതിരെ അപവാദപ്രചരണം നടത്തുന്നത് ശ്രദ്ധയിൽപ്പെട്ട പമ്പുടമകൾ നിയമ നടപടികൾ സ്വീകരിക്കാൻ മുന്നോട്ട് വന്നതോടെ ഈ ആഴ്ചയിൽ തന്നെ രണ്ടാമത്തെ ക്ഷമാപണമാണ് സോഷ്യൽ മീഡിയയിൽ വന്നിരിക്കുന്നത്.

തിരുവനന്തപുരം: ഹ്യൂണ്ടായ് ‘ i20 കാറിന്റെ ടാങ്കിൽ വാഹനത്തിന്റെ യൂസർ മാന്വലിൽ പറഞ്ഞതിലും കൂടുതലായി ഇന്ധനം നിറച്ചതിനെ തുടർന്ന് മെയ് 7ന് തിരുവനന്തപുരത്തെ ഇൻഫോസിസ്ന് സമീപത്തുള്ള പെട്രോൾ പമ്പിനെതിരെ ഫെയ്സ് ബുക്കിൽ ചിറപറമ്പിൽ അനീഷ് ജോയ് എന്നയാൾ പോസ്റ്റിട്ടിരുന്നു. തുടർന്ന് പല മാർക്കറ്റിങ്ങ് പേജുകളിലും ഈ വ്യാജ വാർത്ത ഷയർ ചെയുകയും ബന്ധപ്പെട്ട അധികാരികൾക്ക് പരാധി നൽകുകയും ചെയ്തു .

ഓയൽ കമ്പനി പ്രതിനിധികളും ലീഗൽ മെട്രോളജി വിഭാഗത്തിലെ ഉദ്യോഗസ്ഥരും പോലീസും പമ്പിലെത്തി സംയുക്തമായി പരിശോധന നടത്തി. അളവിലെ കൃത്യതയും ലീഗൽ മെട്രോളജി പരിശോധിച്ച് പതിപ്പിച്ച സീലുകളും കൃത്യമായി ഉള്ളതിനാലും പമ്പിൽ കൃത്രിമം നടന്നിട്ടില്ലെന്ന് ബോദ്ധ്യമായ പോലീസ് വാഹനത്തിലെ ടാങ്കിൽ നിന്നും ഇന്ധനം മുഴുവനായും വർക്ക്ഷോപ്പിൽ വെച്ച്  നീക്കം ചെയ്ത ശേഷം വീണ്ടും അളന്ന്  ടാങ്കിലേക്ക് നിറച്ചപ്പോൾ നേരത്തെ പമ്പിലെ മീറ്ററിൽ കാണിച്ച അതേ അളവ് തന്നെയാണെന്നും ബോദ്ധ്യമായി. അബദ്ധം പറ്റിയത് തനിക്കാണെന്ന് അനീഷ് ജോയി തുറന്ന് സമ്മതിച്ചെങ്കിലും തെറ്റായ വിവരം നൽകി അപമാനിക്കാൻ ശ്രമിച്ചതിന് പോലീസ് താക്കീത് നൽകുകയും ഫെയ്സ് ബുക്കിൽ കൂടി ക്ഷമാപണം നടത്താൻ ആവശ്യപ്പെടുകയും ചെയ്തു.

വാഹന നിർമ്മാതാക്കൾ വാഹനങ്ങളുടെ  ഫ്യൂവൽ ഗേയജ്, ഇന്ധന ടാങ്ക് ,ടാങ്കിന്റെ അളവ് നിശ്ചയിച്ച മാനദണ്ഡം മുതലായവയൊന്നും തന്നെ ലീഗൽ മെട്രോളജിയുടെ പരിശോധനയോ സർട്ടിഫിക്കറ്റോ ഇല്ലാതെയാണ് വിപണിയിൽ ഇറക്കുന്നത്. അത് കൊണ്ട് തന്നെ ഒരേ കമ്പനിയുടെ ഓരേ ഇനത്തിൽ പെട്ട വാഹനങ്ങളിൽ തന്നെ വ്യത്യസ്ത അളവുകളുള്ള ടാങ്കുകളാണ്  ഉള്ളതെന്ന് ഉദ്യോഗസ്ഥർ അറിയിച്ചു.

വാഹനങ്ങളടെ ടാങ്കിന്റെ സാങ്കേതിക വശങ്ങൾ അറിയുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക.

https://www.sciencedaily.com/releases/2005/10/051023120710.htm