തൃശൂര്: അനിശ്ചിതത്വങ്ങള്ക്ക് വിരാമമിട്ട് ലോക്സഭ തെരഞ്ഞെടുപ്പില് തൃശൂര് മണ്ഡലത്തില് ബിഡിജെഎസ് സ്ഥാനാര്ത്ഥിയായി തുഷാര് വെളളാപ്പളളി മത്സരിക്കാൻ ധാരണയായി.വയനാട്ടില് പൈലി വാത്യാട്ടിനെ സ്ഥാനാര്ത്ഥിയായും ബിഡിജെഎസ് പ്രഖ്യാപിച്ചു.സ്ഥാനാര്ത്ഥിയായാല് എസ്എന്ഡിപിയിലെ സ്ഥാനമാനങ്ങള് രാജിവെയ്ക്കുമെന്ന നിലപാടിലായിരുന്നു നേരത്തെ തുഷാര്. എസ്എന്ഡിപി വൈസ് പ്രസിഡന്റ് സ്ഥാനം രാജിവെയ്ക്കില്ലെന്നും രാജിവെയ്ക്കുമെന്ന് പറഞ്ഞിട്ടില്ലെന്നും തുഷാര് വെളളാപ്പളളി പറഞ്ഞു.അച്ഛന് വെളളാപ്പളളി നടേശന്റെ അനുഗ്രഹത്തോടെയാണ് മത്സരത്തിന് ഇറങ്ങുന്നതെന്നും തുഷാര് പറഞ്ഞു.ലോക്സഭ തെരഞ്ഞെടുപ്പില് താന് മത്സരരംഗത്തുണ്ടാകുമെന്ന് തുഷാര് വെളളാപ്പളളി കഴിഞ്ഞദിവസം പറഞ്ഞിരുന്നു. തൃശൂര്, വയനാട് സീറ്റുകളില് ഒന്നില് മത്സരിക്കുമെന്നായിരുന്നു തുഷാര് നല്കിയ സൂചന.അതേസമയം വയനാട്ടില് രാഹുല് എത്തിയാല് സ്ഥാനാര്ത്ഥി മാറാമെന്ന സൂചന തുഷാര് വീണ്ടും ആവര്ത്തിച്ചു.രാഹുല് ഗാന്ധി വയനാട് മത്സരിച്ചാല് സീറ്റ് ബി.ജെ.പിക്ക് വിട്ടുകൊടുക്കാനാണ് ധാരണ.