മസ്‌കറ്റ്: മസ്കറ്റിൽ നിന്നും കൊച്ചിയിലേക്കുള്ള എയർ ഇന്ത്യ എക്സ്പ്രസ് വിമാനത്തിൽ പുക.ഇതിനെ തുടർന്ന് യാത്രക്കാരെ ഒഴിപ്പിച്ചു.വിമാനത്തിലുണ്ടായിരുന്ന 141 യാത്രക്കാരെയാണ് സുരക്ഷാ ഉദ്യോഗസ്ഥർ ഒഴിപ്പിച്ചത്.എയർ ഇന്ത്യയുടെ IX 442 എന്ന വിമാനത്തിലാണ് പുക കണ്ടെത്തിയത്. വിമാനത്തിന്റെ ചിറകിൽ നിന്നും പുക ഉയരുന്നതായിട്ടാണ് കണ്ടെത്തിയത്. യാത്രക്കാരെ ഒഴിപ്പിക്കാനുള്ള ശ്രമത്തിനിടെ 14 പേർക്ക് പരുക്കേറ്റു. ടേക്ക് ഓഫിന് തൊട്ടു മുമ്പാണ് പുക കണ്ടത്. യാത്രക്കാരെ ടെർമിനലിലേക്ക് മാറ്റി. പരുക്കേറ്റവരെ ആശുപത്രിയിൽ പ്രവേശിപ്പിച്ചു.144 യാത്രക്കാരും 6 കാബിൻ ക്രൂ അംഗങ്ങളായിരുന്നു വിമാനത്തിൽ ഉണ്ടായിരുന്നത്. എല്ലാവരും സുരക്ഷിതരാണെന്ന് എയർപ്പോർട്ട് അധികൃതർ അറിയിച്ചു.