തിരുവനന്തപുരം: വിവിധ ആവശ്യങ്ങള്‍ ഉന്നയിച്ച്‌ കെഎസ്‌ആര്‍ടിസി ജീവനക്കാര്‍ നവംബര്‍ നാലിന് പണിമുടക്കും.ശമ്പളം എല്ലാ മാസവും അവസാന പ്രവൃത്തി ദിവസം വിതരണം ചെയ്യുക, ഡ്രൈവര്‍ കം കണ്ടക്ടര്‍ സംവിധാനം പുനഃസ്ഥാപിക്കുക, വാടക വണ്ടി നീക്കം ഉപേക്ഷിക്കുക തുടങ്ങിയ 14 ആവശ്യങ്ങളുന്നയിച്ചാണ് സമരം.കെഎസ്‌ആര്‍ടിസി ഡ്രൈവേഴ്സ് യൂണിയനും വര്‍ക്കേഴ്സ് യൂണിയനും ഉള്‍പ്പെട്ട ടിഡിഎഫാണ് നവംബര്‍ നാലിന് പണിമുടക്കിന് ആഹ്വാനം നൽകിയിരിക്കുന്നത്.മൂന്നിന് അര്‍ദ്ധരാത്രി മുതല്‍ നാലിന് അര്‍ദ്ധരാത്രി വരെയാണ് സമരമെന്ന് ജനറല്‍ സെക്രട്ടറി ആര്‍ അയ്യപ്പന്‍ അറിയിച്ചു.