തിരുവനന്തപുരം:പണിമുടക്ക് ദിവസം സെക്രെട്ടെറിയേറ്റിന് സമീപത്തെ എസ്ബിഐ ശാഖ അടിച്ചുതകർത്ത കേസിലെ പ്രതികളായ എൻ ജി ഓ നേതാക്കൾക്ക് സസ്‌പെൻഷൻ.എന്‍ജിഒ യൂണിയന്‍ സംസ്ഥാന കമ്മിറ്റി അംഗം സുരേഷ് ബാബു, യൂണിയന്‍ പ്രവര്‍ത്തകരായ സുരേഷ്, വിനുകുമാര്‍,ശ്രീവത്സന്‍ എന്നിവരെയാണ് സസ്‌പെൻഡ് ചെയ്തത്.നേരത്തെ തൈക്കാട് ഏരിയ സെക്രെട്ടറി എ.അശോകൻ,ജില്ലാ സെക്രെട്ടറിയേറ്റ് അംഗം ടി.വി ഹരിലാൽ എന്നിവരെ സസ്‌പെൻഡ് ചെയ്തിരുന്നു.പണിമുടക്ക് ദിനത്തിൽ ബാങ്ക് തുറന്നതിനെ ചോദ്യം ചെയ്തെത്തിയ സമരാനുകൂലികൾ മാനേജരുടെ മുറിയിൽ അതിക്രമിച്ചു കയറി കമ്പ്യൂട്ടർ,മേശയുടെ ചില്ല്,ഫോൺ ക്യാബിൻ എന്നിവ അടിച്ചു തകർക്കുകയായിരുന്നു.ഏകദേശം ഒന്നരലക്ഷം രൂപയുടെ നഷ്ട്ടമുണ്ടെന്നാണ് പരാതി.