പത്തനംതിട്ട:ശബരിമല വിഷയത്തിൽ ചർച്ചയ്ക്ക് തയ്യാറെന്ന് പന്തളം കൊട്ടാരം.പ്രശ്‌നങ്ങള്‍ രമ്യമായി പരിഹരിക്കുന്നതിനായി ഏത് ചര്‍ച്ചക്കും തയാറാണെന്ന് പന്തളം കൊട്ടാരം പ്രതിനിധി ശശികുമാര വര്‍മ്മ അറിയിച്ചു.മണ്ഡല-മകരവിളക്ക് തീര്‍ഥാടനത്തിന് ശേഷം ശബരിമല നടയടച്ചതിന് പിന്നാലെയാണ് കൊട്ടാരം പ്രതിനിധിയുടെ പ്രതികരണം.അതേസമയം സര്‍ക്കാരിനെതിരെ രൂക്ഷ വിമര്‍ശനമാണ് അദ്ദേഹം ഉന്നയിച്ചത്. ശബരിമലയില്‍ കയറിയ യുവതികളുടെ പട്ടിക സുപ്രിംകോടതിയില്‍ നല്‍കിയ സര്‍ക്കാര്‍ അടി ഇരന്ന് വാങ്ങിയെന്നും അദ്ദേഹം വിമര്‍ശിച്ചു.തീര്‍ത്ഥാടന കാലം ആരംഭിക്കുന്ന വേളയില്‍ സര്‍ക്കാര്‍ ചര്‍ച്ചയ്ക്ക് വിളിച്ചപ്പോള്‍ പന്തളം കൊട്ടാരം തയ്യാറായിരുന്നില്ല. പിന്നീട് ദേവസ്വം ബോര്‍ഡ് വിളിച്ചുചേർത്ത ചർച്ചയിലും പന്തളം കൊട്ടാരം പങ്കെടുത്തില്ല.