കോഴിക്കോട്: കേരളത്തിലെ പെട്രോൾ പമ്പ് ഉടമകളുടെ ഏറ്റവും വലിയ സംഘടനയായ AKFPT യുടെ ഉത്തര – മദ്ധ്യ കേരള കൺവെൻഷൻ ഇന്ന് രാവിലെ തൊഴിൽ- എക്സൈസ് മന്ത്രി ടി.പി. രാമകൃഷണൻ ഉദ്ഘാടനം ചെയ്തു. കോഴിക്കോട് ശ്രീനാരയണ സെന്റിനറി ഹാളിൽ വെച്ച് നടന്ന ചടങ്ങിൽ ഇന്ന് ഡീലർമാർ നേരിടുന്ന തൊഴിൽ പരവും സാമൂഹ്യപരവുമായ സുരക്ഷ ഉറപ്പ് വരുത്തന്നതിനു വേണ്ട ചർച്ചകളും തുടർനടപടികളും ഉണ്ടാവുമെന്ന് മന്ത്രി ഉറപ്പ് നൽകുകയും ക്രൂഡ് ഓയൽ വില കുറയുന്ന സാഹചര്യത്തിലും പെട്രോൾ ഡീസൽ വില കൂട്ടുന്ന ഓയൽ കമ്പനികളുടെ നിലപാടിനെതിരെ ശക്തമായി പ്രതികരിക്കുകയും ചെയ്തു.
AKFPT യുടെ കോഴിക്കോട് ജില്ലാ പ്രസിഡണ്ട് എം.എൻ രാമചന്ദ്രൻ പതാക ഉയർത്തിയ ചടങ്ങിൽ എം കെ രാഘവൻ എം പി, എ പ്രദീപ് കുമാർ എം എൽ എ, എം.കെ മുനീർ എം എൽ എ, അഡ്വ. പി എസ്. ശ്രീധരൻ പിള്ള, പി വി ചന്ദ്രൻ, പി കെ പരീക്കുട്ടി ഹാജി എന്നിവർ മുഖ്യാതിഥികളായിരുന്നു.
പൊതു മേഖല എണ്ണ കമ്പനികളുടെ പ്രതിനിധികളായി ആർ കെ നമ്പ്യാർ, സതീഷ് കുമാർ, ഉമേഷ് കുൽകർണി എന്നിവർ സന്നിഹിതായിരുന്നു. AKFPT സംസ്ഥാന പ്രസിഡണ്ട് അഡ്വ.തോമസ് വൈദ്യർ മുഖ്യ പ്രഭാഷണവും മലപ്പുറം ജില്ലാ സെക്രട്ടറി എം അബ്ദുൾ കരീം നന്ദി പ്രകാശനവും നടത്തി.