ഇസ്ലാമബാദ്:പാക്കിസ്ഥാന് മുന് ക്യാപ്റ്റന് ഷോയിബ് മാലിക്ക് ഏകദിന ക്രിക്കറ്റിൽ നിന്നും വിരമിച്ചു.ഇന്നലെ നടന്ന ബംഗ്ലാദേശിനെതിരായ മത്സരത്തില് 94 റണ്സിന് പാക്കിസ്ഥാന് വിജയിച്ചതിനു പിന്നാലെയാണ് മാലിക്ക് തന്റെ വിരമിക്കല് തീരുമാനം പ്രഖ്യാപിച്ചത്. ഞാന് ഏകദിനത്തില് നിന്ന് വിരമിക്കുകയാണ്. സഹതാരങ്ങള്ക്കും പരിശീലകര്ക്കും സുഹൃത്തുക്കള്ക്കും കുടുംബാഗങ്ങള്ക്കും മാധ്യമസുഹൃത്തുക്കള്ക്കും സ്പോണ്സര്മാര്ക്കും നന്ദി പറയുന്നു. ഇതിനെല്ലാമപ്പുറം എന്റെ ആരാധകര്ക്കും’- മാലിക്ക് ട്വിറ്ററില് കുറിച്ചു.ഈ ലോകകപ്പില് മൂന്ന് മത്സരങ്ങളില് നിന്ന് എട്ടു റണ്സ് മാത്രമാണ് മാലിക് സ്വന്തമാക്കിയത്. 287 ഏകദിനങ്ങളില് നിന്ന് 7534 റണ്സ് നേടിയിട്ടുണ്ട്. ഇതില് ഒമ്ബത് സെഞ്ചുറിയും 44 അര്ധ സെഞ്ചുറിയും ഉള്പ്പെടുന്നു. 158 വിക്കറ്റ് വീഴ്ത്തി.1999 ഒക്ടോബറില് വെസ്റ്റിന്ഡീസിന് എതിരെയായിരുന്നു മാലിക്കിന്റെ ഏകദിന അരങ്ങേറ്റം.