കണ്ണൂർ: മാട്ടൂലിൽ യുവാവ് കുത്തേറ്റു മരിച്ചു.മാട്ടൂൽ സൗത്ത് കടപ്പുറത്ത് വീട്ടിലെ കെ.ഇ. ഹിഷാം (28) ആണ് മരിച്ചത്. ആക്രമണത്തില്‍ ഹിഷാമിന്‍റെ സുഹൃത്തിനു പരിക്കേറ്റു.ബുധനാഴ്ച രാത്രി എട്ടോടെ മാട്ടൂല്‍ സൗത്ത് ഫിഷര്‍മെന്‍ കോളനിക്ക് സമീപത്ത് വച്ചാണ് ഹിഷാമിനും സുഹൃത്തുക്കള്‍ക്കും കുത്തേറ്റത്. സാജിദ് എന്നയാളാണ് ആക്രമിച്ചത്.മൊബൈൽ ചാറ്റിങ്ങുമായി ബന്ധപ്പെട്ട് സുഹൃത്തുക്കൾക്കിടയിൽ ഉണ്ടായ തർക്കമാണ് കൊലപാതകത്തിൽ എത്തിയത്.പരിക്കേറ്റ ഷക്കീബ് ചെറുകുന്ന് സ്വകാര്യാശുപത്രിയില്‍ ചികിത്സയിലാണ്. ഹിഷാമിന്‍റെ സഹോദരന്‍ ഇര്‍ഫാന് മാട്ടൂല്‍ സൗത്തില്‍വച്ച്‌ മര്‍ദനമേറ്റിരുന്നു. സംഭവം നടന്ന പ്രദേശത്ത് പഴയങ്ങാടി പോലീസ് ക്യാംപ് ചെയ്യുന്നുണ്ട്. സംഭവത്തിന് പിന്നാലെ പ്രതി ഒളിവിൽ പോയി.സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.