കണ്ണൂർ:കണ്ണൂർ സ്വദേശിയായ യുവാവ് സൗദിയിൽ കൊറോണ ബാധിച്ച് മരിച്ചു.മീത്തലെ പൂക്കോം സ്വദേശി ശബ്നാസ്(30) ആണ് മരിച്ചത്. മദീനയിലെ സൗദി ജര്‍മന്‍ ഹോസ്പിറ്റലില്‍ ഇന്ന് പുലര്‍ച്ചെ 3 മണിയോടെയാണ് മരണം സംഭവിച്ചത്.കഴിഞ്ഞ കുറച്ചു ദിവസങ്ങളായി പനി ബാധിച്ച് യുവാവ് ആശുപത്രിയില്‍ ചികിത്സയിലായിരുന്നു.പിന്നീട് അവസ്ഥ മോശമായതിനെ തുടര്‍ന്ന് അഞ്ചു ദിവസമായി വെന്റിലേറ്ററിലായിരുന്നു.ഇക്കഴിഞ്ഞ ജനുവരി അഞ്ചിനായിരുന്നു ശബ്‍നാസിന്റെ വിവാഹം.തുടര്‍ന്ന് മാര്‍ച്ച്‌ 10 നാണ് ഇയാള്‍ സൗദിയിലേക്ക് തിരിച്ചു പോയത്. കഴിഞ്ഞ ഏറെ ദിവസമായി പനിയാണെന്നുള്ള വിവരം വീട്ടുകാര്‍ക്ക് ലഭിച്ചിരുന്നു.ഇപ്പോഴത്തെ സാഹചര്യത്തില്‍ അവിടെ തന്നെ സംസ്കാരം നടത്താനാണ് തീരുമാനിച്ചിട്ടുള്ളത്.