കോഴിക്കോട്: കോഴിക്കോട്-പാലക്കാട് ദേശീയ പാതയിൽ കെഎസ്ആര്‍ടിസി ബസും കാറും കൂട്ടിയിടിച്ച് യുവാവ് മരിച്ചു. കാർ ഡ്രൈവർ ചെർപ്പുളശേരി സ്വദേശി മുഹമ്മദ് ഫാസിൽ (26) ആണ് മരിച്ചത്. അപകടത്തിൽ രണ്ടു പേർക്കു പരിക്കേറ്റിട്ടുണ്ട്.കാര്‍ യാത്രക്കാരായ ചെര്‍പ്പുളശ്ശേരി കിഴിശ്ശേരി രായന്റെ ഭാര്യ മുംതാസ്(40) മകള്‍ നുജു(16)എന്നിവര്‍ക്കാണ് പരിക്കേറ്റത്. ഇവരെ പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചു.ഇന്ന് പുലർച്ചെ നാലുമണിയോട് കൂടി രാമപുരം സ്കൂൾ പടിയിൽ വച്ചായിരുന്നു അപകടം.അപകടത്തെ തുടര്‍ന്ന് റോഡരികിലെ ഓടയിലേക്കു തെറിച്ച്‌ വീണ നുജുവിനെ നീണ്ട നേരത്തെ തിരച്ചിലിനൊടുവിലാണ് അബോധാവസ്ഥയില്‍ കണ്ടെത്തിയത്. നിയന്ത്രണം വിട്ട ബസ് സമീപത്തെ വീടിലിടിച്ച്‌ വീട് തകര്‍ന്നു.