കണ്ണൂർ:കണ്ണൂരില്‍ പുതുവത്സരാഘോഷം കഴിഞ്ഞു മടങ്ങുകയായിരുന്ന നവവരൻ വാഹനാപകടത്തിൽ മരിച്ചു.അഴീക്കോട് ചാല്‍ ബീച്ച്‌ ഫെസ്റ്റിലെ പുതുവത്സരാഘോഷം കഴിഞ്ഞ് ബൈക്കില്‍ മടങ്ങുകയായിരുന്ന അഴീക്കോട് ചാല്‍ സ്വദേശി മോഹനന്റെ മകന്‍ താഴത്തു വീട്ടില്‍ മിഥുന്‍ (25) ആണ് ദാരുണമായി മരണപ്പെട്ടത്.ബുധനാഴ്ച്ചപുലര്‍ച്ചെ മൂന്ന് മണിയോടെ അഴീക്കോട് ബോട്ടുപാലം ജംഗ്ഷനിലാണ് അപകടം നടന്നത്. ചാല്‍ ബീച്ചില്‍ നടന്ന ന്യൂ ഇയര്‍ ആഘോഷപരിപാടികളില്‍ പങ്കെടുത്ത് മടങ്ങി വരുന്നതിനിടെ എതിരെ വന്ന മീന്‍ ലോറി മിഥുൻ സഞ്ചരിച്ച ബൈക്കിൽ ഇടിക്കുകയായിരുന്നു.ഉടനെ കണ്ണൂരിലെ എ.കെ.ജി ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.ഭാര്യ: അനുശ്രി. മൃതദേഹം പോസ്റ്റുമോര്‍ട്ടത്തിനു ശേഷം ബന്ധുക്കള്‍ക്കു വിട്ടുനല്‍കി. വളപട്ടണം പൊലിസ് ലോറി ഡ്രൈവറുടെ പേരില്‍ കേസെടുത്തു.