ഡൽഹി:സിങ്ഘു അതിര്‍ത്തിക്കടുത്ത് കര്‍ഷക സമരവേദിക്ക് സമീപം യുവാവിനെ കൊല്ലപ്പെട്ട നിലയില്‍ കണ്ടെത്തി. പ്രധാന പ്രതിഷേധ വേദിക്ക് സമീപത്തായി പൊലീസിന്റെ ബാരിക്കേഡില്‍ കെട്ടിയിട്ട നിലയിലാണ് മൃതദേഹം കണ്ടെത്തിയത്.മൃതദേഹത്തിന്റെ കൈ വെട്ടിമാറ്റിയ നിലയിലാണ്.ഇയാളെ തിരിച്ചറി‌ഞ്ഞിട്ടില്ല. വിശുദ്ധ ഗ്രന്ഥത്തെ അവഹേളിച്ചെന്നാരോപിച്ച്‌ സിഖ് തീവ്ര സംഘടനയായ നിഹാങ്ങില്‍ ഉള്‍പ്പെട്ടവരാണ് ക്രൂരകൃത്യം നടത്തിയതെന്നാണ് പൊലീസ് സംശയിക്കുന്നത്. തല്ലിക്കൊന്ന് ബാരിക്കേടില്‍ കെട്ടിതൂക്കിയതിനു ശേഷം കൈ വെട്ടിമാറ്റിയതാകാം എന്നാണ് നിഗമനം. എന്നാല്‍ സംഭവത്തില്‍ ഔദ്യോഗികമായ വിശദീകരണം പൊലീസ് ഇതുവരെ നല്‍കിയില്ല. മൃതദേഹം സിവില്‍ ആശുപത്രിയിലേക്ക് മാറ്റി.