കണ്ണൂർ:നാലു കിലോ കഞ്ചാവുമായി യുവാവിനെ പോലീസ് അറസ്റ്റ് ചെയ്തു.കൊളച്ചേരിപ്പറമ്പ് സ്വദേശി എം.വിഷ്ണു കൃഷ്ണ(21) ആണ് അറസ്റ്റിലായത്.കണ്ണൂർ എസ്.പി ക്കു ലഭിച്ച രഹസ്യ വിവരത്തിന്റെ അടിസ്ഥാനത്തിൽ എസ്.പി യുടെ ഷാഡോ പോലീസ് അംഗങ്ങളായ സി.പി മഹേഷ്,എ.സുഭാഷ്,മിഥുൻ എന്നിവർ നടത്തിയ പരിശ്രമത്തിലാണ് പ്രതി അറസ്റ്റിലായത്. ബെംഗളൂരുവിൽ നിന്നും ബസ്സിൽ എത്തിച്ച കഞ്ചാവ് കണ്ണൂർ പഴയ ബസ്സ്റ്റാൻഡിൽ നിന്നാണ് പിടികൂടിയത്. ഇടപാടുകാരനെന്ന വ്യാജേനയാണ് പോലീസ് ഇയാളെ സമീപിച്ചത്.പിടികൂടിയ കഞ്ചാവ് എക്‌സൈസ് ഓഫീസർ രഘുനാഥിന്റെ സാന്നിധ്യത്തിൽ അളന്നുതിട്ടപ്പെടുത്തി.