കണ്ണൂർ:മുനീശ്വരൻ കോവിലിനു സമീപം ഹാജി റോഡിലെ മാലിന്യ പ്രശ്നത്തിന് പരിഹാരം കാണണമെന്നാവശ്യപ്പെട്ട് തൊഴിലാളികൾ കോർപറേഷൻ ഓഫീസ് ഉപരോധിച്ചു.സി ഐ ടി യു,എസ് ടി യു,ഫുഡ് ഗ്രൈൻ മെർച്ചന്റസ് അസോസിയേഷൻ,ബനാന മർച്ചന്റ് അസോസിയേഷൻ,വ്യാപാരി വ്യവസായി ഏകോപന സമിതി തുടങ്ങിയ സംഘടനകളാണ് ഉപരോധത്തിൽ പങ്കെടുത്തത്.കക്കൂസ് മാലിന്യങ്ങൾ ഉൾപ്പെടെ ഓടയിൽ നിറഞ്ഞതോടെ നിരവധി പരാതികൾ തൊഴിലാളി സംഘടനകളും പരിസരവാസികളും ഉയർത്തിയിരുന്നു. എന്നാൽ ഈ കാര്യത്തിൽ കോർപറേഷൻ നടപടികളൊന്നും സ്വീകരിച്ചിരുന്നില്ല.സംഭവത്തിൽ ഉടൻ നടപടികൾ സ്വീകരിച്ചില്ലെങ്കിൽ ഹർത്താലുൾപ്പെടെയുള്ളവ നടത്തുമെന്നും തൊഴിലാളികൾ മുന്നറിയിപ്പ് നൽകി.തുടർന്ന് പ്രശ്നത്തിന് ഉടൻ പരിഹാരം കാണാം എന്ന കോർപറേഷൻ സെക്രെട്ടറിയുടെ ഉറപ്പിനെ തുടർന്ന് സമരക്കാർ പിരിഞ്ഞു പോവുകയായിരുന്നു.