കണ്ണൂർ: ഇരിട്ടി അയ്യങ്കുന്നിൽ ക്രഷര്‍ അപകടം.പാറ പൊട്ടിക്കുന്നതിനിടെ കരിങ്കല്‍ പാളി വീണ് തൊഴിലാളി മരിച്ചു. ഇരിട്ടി അയ്യന്‍ കുന്ന് പഞ്ചായത്തിലെ വാണിയപാറത്തട്ട് ബ്‌ളാക്ക് റോക്ക് ക്രഷറിലാണ് ഇന്ന് രാവിലെ അപകടമുണ്ടായത്.ക്രഷര്‍ തൊഴിലാളിയായ രണ്ടാം കടവ് സ്വദേശി കിഴക്കേക്കര രതീഷാ (37) ണ് മരിച്ചത്.കല്ല് രതീഷിന്റെ ദേഹത്തേക്ക് അതിശക്തമായി പതിക്കുകയായിരുന്നു. പരുക്കേറ്റ അതിഥി തൊഴിലാളിയായ മിന്‍ഡു ഗോയലിനെ (32) ഇരിട്ടിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇരിട്ടി പൊലിസ് ഇന്‍ക്വസ്റ്റ് നടത്തി. മൃതദേഹം പോസ്റ്റുമോര്‍ട്ടത്തിനായി മാറ്റി.