കണ്ണൂര്‍: വാരത്ത് ഭര്‍ത്താവിനൊപ്പം ബൈക്കിൽ സഞ്ചരിക്കുകയായിരുന്ന യുവതി ലോറിയിടിച്ചു മരിച്ചു.ചൊവ്വാഴ്‌ച്ച രാത്രി ഏഴരയോടെയാണ് അപകടമുണ്ടായത്.ചക്കരക്കല്‍തല മുണ്ട പി ജി ബേക്കറിക്ക് സമീപം രയരോത്ത് പടുവിലാട്ട് ഹൗസില്‍ ആര്‍.പി ഭാസ്‌കരന്റെയും ലീലയുടെയും മകള്‍ ആര്‍.പി ലിപിന (34) യാണ് മരിച്ചത്.കണ്ണൂരില്‍ നിന്നും ചക്കരക്കല്‍ ഭാഗത്തേക്ക് വരികയായിരുന്നു ലിപിനയും ഭർത്താവ് രാജീവനും.ഇവർ സഞ്ചരിച്ച സ്കൂട്ടറിൽ കണ്ണുര്‍ ഭാഗത്തേക്ക് പോവുകയായിരുന്ന ലോറിയിടിക്കുകയായിരുന്നു. നാട്ടുകാര്‍ ഇരുവരെയും കണ്ണുരിലെ സ്വകാര്യ ആശുപത്രിയിലെത്തിച്ചുവെങ്കിലും യുവതിയുടെ ജീവന്‍ രക്ഷിക്കാനായില്ല. അപകടമുണ്ടാക്കിയ ലോറി ചക്കരക്കല്‍ പോലീസ് കസ്റ്റഡിയിലെടുത്തിട്ടുണ്ട്. നന്ദുവാണ് ലിപിനയുടെ മകന്‍.