കൊച്ചി:കൊച്ചിയിൽ നടുറോഡിൽ യുവതി ഭർത്താവിന്റെ കുത്തേറ്റ് മരിച്ചു.പുന്നപ്ര സ്വദേശിനി സുമയ്യ ആണ് മരിച്ചത്.സംഭവവുമായി ബന്ധപ്പെട്ട് യുവതിയുടെ ഭർത്താവ് സജീറിനെ പോലീസ് അറസ്റ്റ് ചെയ്തു.ദാമ്പത്യകലഹമാണ് കൊലപാതകത്തിന് പിന്നിലെന്നാണ് സൂചന.സജീറുമായി വേർപിരിഞ്ഞ് താമസിക്കുകയായിരുന്ന സുമയ്യ കൊച്ചിയിലെ ഒരു ലേഡീസ് ഹോസ്റ്റലിലായിരുന്നു താമസം.ഇന്ന് വൈകുന്നേരം ഹോസ്റ്റലിലെത്തിയ സജീർ സുമയ്യയെ ഹോസ്റ്റലിന് പുറത്തേക്ക് വിളിച്ചു വരുത്തി കുത്തിപ്പരിക്കേൽപ്പിക്കുകയായിരുന്നു.നാട്ടുകാർ സുമയ്യയെ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.സംഭവശേഷം കത്തി ഉപേക്ഷിച്ച് രക്ഷപ്പെട്ട സജീറിനെ പോലീസ് പിടികൂടി.