പരപ്പനങ്ങാടി:പരപ്പനങ്ങാടി അഞ്ചുപുരയിൽ അറവുശാലയിൽ യുവതിയെ കഴുത്തറുത്ത് കൊലപ്പെടുത്തിയ നിലയിൽ.പരപ്പനങ്ങാടി സ്വദേശി പഴകത്തു നിസാമുദീന്റെ ഭാര്യ കോഴിക്കോട് നരിക്കുനി കൂട്ടാംപൊയിൽ സ്വദേശിനി റഹീനയാണ് മരിച്ചത്.മാംസവ്യാപാരിയായ ഭർത്താവ് നിസാമുദീന്റെ അറവുശാലക്കകത്താണ് മൃതദേഹം കണ്ടെത്തിയത്.ഇന്ന് പുലർച്ചെ അറവുശാലയിലെത്തിയ തൊഴിലാളികളാണ് മൃതദേഹം കണ്ടത്.പുലർച്ചെ രണ്ടു മണിയോടെ അറവുശാലയിൽ സഹായിക്കാനാണെന്ന് പറഞ്ഞു നിസാമുദീൻ ഭാര്യയെ ഇവർ താമസിക്കുന്ന പരപ്പനങ്ങാടി പരപ്പിൽ റോഡിലെ വീട്ടിൽ നിന്നും വിളിച്ചുകൊണ്ടുപോവുകയായിരുന്നു. നിസാമുദീനെയും കാണാതായിട്ടുണ്ട്. ഇയാൾക്ക് രണ്ടു ഭാര്യാമാരാണുള്ളത്.പോലീസ് സംഭവത്തെ കുറിച്ച് അന്വേഷണം ആരംഭിച്ചിട്ടുണ്ട്.