കൊച്ചി:പെരുമ്പാവൂർ കടമുറിക്ക് മുന്നില്‍ മലയാളി യുവതിയെ തലയ്ക്കടിച്ച് കൊലപ്പെടുത്തിയ നിലയിൽ കണ്ടെത്തി.കുറുപ്പംപടി സ്വദേശി ദീപയാണ് കൊല്ലപ്പെട്ടത്.ഇന്നലെ രാത്രിയോടെയാണ് പ്രദേശവാസികളെ ഞെട്ടിച്ച കൊലപാതകം നടന്നത്.പ്രതിയെന്ന് സംശയിക്കുന്ന ആസാം സ്വദേശിയായ ഉമര്‍ അലിയെ പോലീസ് കസ്റ്റഡിയില്‍ എടുത്തിട്ടുണ്ട്. ദീപയും ഉമര്‍ അലിയും പെരുമ്പാവൂർ ഗവണ്‍മെന്റ് ഗേള്‍സ് ഹയര്‍ സെക്കണ്ടറി സ്‌കൂളിന്റെ അടുത്തുള്ള ഹോട്ടലിലേക്ക് വരുന്നതിന്റെ സിസിടിവി ദൃശ്യങ്ങള്‍ പോലീസിന് കിട്ടിയിരുന്നു.തൂമ്പ ഉപയോഗിച്ച്‌ ദീപയെ അടിച്ച്‌ കൊലപ്പെടുത്തുകയായിരുന്നു. തുടര്‍ന്ന് സിസിടിവി ശ്രദ്ധയില്‍പ്പെട്ട പ്രതി ഇത് തല്ലിതകര്‍ക്കുകയും ചെയ്തു. എന്നാല്‍ സമീപത്തുള്ള ഹോട്ടലിലെ സിസിടിവി ദൃശ്യങ്ങളില്‍ നിന്ന് നിര്‍ണായക വിവരങ്ങള്‍ ലഭിക്കുകയും പോലീസ് പ്രതിയെ കസ്റ്റഡിയില്‍ എടുക്കുകയുമായിരുന്നു.ദീപയുടെ മുഖം തിരിച്ചറിയാനാവാത്ത വിധം തകര്‍ന്നിട്ടുണ്ട്. പരിസരമാകെ രക്തം തളം കെട്ടി കിടക്കുകയാണ്.പുലര്‍ച്ചെ 1.30 നോട് അടുത്താണ് യുവതിക്കുനേരെ ആക്രമണമുണ്ടായതെന്നാണ് പൊലീസ് നല്‍കുന്ന സൂചന. കൊല നടത്തിയ യുവാവിനൊപ്പം യുവതി അടുത്ത ദിവസങ്ങളില്‍ നഗരത്തില്‍ കറങ്ങി നടന്നിരുന്നതായി പൊലീസിന് വിവരം ലഭിച്ചിട്ടുണ്ട്.