കണ്ണൂര്‍:വള്ളിത്തോട് പെരിങ്കിരിയില്‍ ബൈക്ക് യാത്രക്കാരായ ദമ്പതികൾക്ക് നേരെയുണ്ടായ കാട്ടാനയുടെ ആക്രമണത്തിൽ ഭര്‍ത്താവ് മരിച്ചു. പെരിങ്കിരി സ്വദേശി ചെങ്ങനശ്ശേരി ജസ്റ്റിനാണ് മരിച്ചത്. ഭാര്യ ജിനി ഗുരുതര പരിക്കുകളോടെ കണ്ണൂരിലെ സ്വകാര്യ ആശുപത്രിയില്‍ ചികിത്സയിലാണ്.ഇന്ന് പുലര്‍ച്ചെ പള്ളിയിലേക്ക് ബൈക്കില്‍ സഞ്ചരിക്കുകയായിരുന്നു ഇവർ. അതിനിടെ, നിര്‍ത്തിയിട്ടിരുന്ന ജെ സി ബി ക്കെതിരെ യും ആന ആക്രമണത്തിന് മുതിര്‍ന്നിട്ടുണ്ട്. ജെസിബി കുത്തിമറിയ്ക്കാനുള്ള ശ്രമത്തിനിടെ ആനയുടെ കൊമ്ബ് ഒടിയുകയും ചെയ്തിട്ടുണ്ട്.കഴിഞ്ഞ കുറെക്കാലമായി ഇരിട്ടി – ആറളം മേഖലയില്‍ കാട്ടാനയുടെ ശല്യം അതിരൂക്ഷമാണ് ആറളം മേഖലയില്‍ ഇതുവരെയായി ഏഴു പേര്‍ കൊല്ലപ്പെട്ടിട്ടുണ്ട്. കാട്ടുപന്നിയും കാട്ടാനയും ഈ മേഖലയിലെ പ്രധാന പ്രതിസന്ധിയാണ്.