തലശ്ശേരി:പാനൂരിൽ വൻ ആയുധശേഖരം പിടികൂടി.പോലീസ് നടത്തിയ മിന്നൽ പരിശോധനയിലാണ് സെൻട്രൽ എലാങ്കോട്ട് ആളൊഴിഞ്ഞ പറമ്പിൽ നിന്നും ആയുധ ശേഖരം കണ്ടെത്തിയത്.നാല് കൊടുവാൾ,നാല് പൽചക്രം,75 ഡിറ്റണേറ്റർ,40 ജെലാറ്റിൻ സ്റ്റിക്ക്,ബോംബ് നിർമിക്കാൻ ഉപയോഗിക്കുന്ന ചണനൂൽ എന്നിവയാണ് കണ്ടെടുത്തത്.രഹസ്യ വിവരം ലഭിച്ചതിന്റെ അടിസ്ഥാനത്തിൽ പാനൂർ എസ്‌ഐ കെ.സന്തോഷിന്റെ നേതൃത്വത്തിലായിരുന്നു പരിശോധന. പോലീസുകാരായ എൻ.അബ്ദുൽ സലാം,എം.എസ് ശരത്ത്,കെ.എം സുജോയ് എന്നിവരും സംഘത്തിലുണ്ടായിരുന്നു.