പരിയാരം:പരിയാരം പ്രാഥമികാരോഗ്യ കേന്ദ്രത്തിലെ കിണറിൽ നിന്നും വടിവാളുകൾ ഉൾപ്പെടെയുള്ള ആയുധങ്ങൾ കണ്ടെടുത്തു.കോരൻപീടികയിലെ പ്രാഥമികാരോഗ്യ കേന്ദ്രത്തിന്റെ കിണറിൽ ഏലി വീണിരുന്നു.ഇതിനെ തുടർന്ന് കിണർ വൃത്തിയാക്കുന്നതിനിടെ ശുചീകരണ തൊഴിലാളികളാണ് ആയുധം കണ്ടെത്തിയത്.രണ്ട് വടിവാളുകൾ, ഒരുകത്തിവാൾ, ഇരുമ്പ് ദണ്ഡ് എന്നിവയാണ് കണ്ടെത്തിയത്.ഉടൻ തന്നെ പി.എച് സി അധികൃതർ പരിയാരം മെഡിക്കൽ കോളേജ് പോലീസ് സ്റ്റേഷനിൽ വിവരമറിയിച്ചു.പോലീസ് സ്ഥലത്തെത്തി ആയുധങ്ങൾ കസ്റ്റഡിയിലെടുത്തു.പ്രിൻസിപ്പൽ എസ്‌ഐ വി.ആർ വിനീഷിന്റെ നേതൃത്വത്തിൽ അന്വേഷണം ആരംഭിച്ചു.