ഇടുക്കി:ഇടുക്കി അണക്കെട്ടിലെ ജലനിരപ്പിൽ നേരിയ കുറവ് രേഖപ്പെടുത്തി.2401.10 ആണ് ഇപ്പോള് നിലവിലുള്ള ജലനിരപ്പ്. എന്നാല് ഷട്ടറുകളിലൂടെ പുറക്കേത്ത് ഒഴുകി വരുന്ന ജലത്തിന്റെ അളവില് കുറവ് വരുത്തിയിട്ടില്ല. ചെറുതോണി പാലം ഇപ്പോഴും വെള്ളത്തിന്റെ അടിയിലാണ്. ചെറുതോണി ടൗണിന് സമീപമുള്ള ബസ്സ്റ്റാന്ഡിന്റെ പകുതിയിലേറെ ഭാഗം തകര്ന്നിട്ടുണ്ട്. അണക്കെട്ട് തുറന്നിട്ടും പെരിയാറിലെ ജലനിരപ്പ് ക്രമാതീതമായി ഉയരാത്തത് ആശ്വാസമാണ്. ഇടുക്കി അണക്കെട്ടിലെ ജലനിരപ്പ് ഇനിയും കുറയുമെന്ന് പ്രതീക്ഷിക്കുന്നതായി വൈദ്യുതി മന്ത്രി പറഞ്ഞു. നടപടികളെല്ലാം ആസൂത്രണം ചെയ്തതുപോലെ പുരോഗമിക്കുന്നു. എവിടെയും കുഴപ്പങ്ങളില്ല, മുന്നോട്ടുള്ള കാര്യങ്ങള് മുഖ്യമന്ത്രിയുമായി ചര്ച്ചചെയ്യുമെന്നും മന്ത്രി പറഞ്ഞു.