തലശ്ശേരി : ജനറൽ ആശുപത്രിയിൽ അത്യാഹിത വിഭാഗത്തിനടുത്ത് കൂട്ടിയിട്ട മാലിന്യ കുമ്പാരത്തിനു തീ പിടിച്ചു. ഇന്നലെ രാവിലെ പത്തുമണിയോടെയാണ് ദന്തരോഗ വിഭാഗം ഓ പി യ്ക്ക് പിന്നിൽ തീ പടർന്നത്. തീ ആളി പടർന്നതിനെ തുടർന്ന് രോഗികളും ബന്ധുക്കളും പരിഭ്രാന്തരാവുകയും ബഹളം വെക്കുകയും ചെയ്തു. തുടർന്ന് ഫയർ ഫോഴ്സ് എത്തി തീ അണച്ചു. കൂട്ടിയിട്ട മാലിന്യ കൂമ്പാരത്തിൽ ആരോ സിഗരറ്റ് കുറ്റി വലിച്ചെറിഞ്ഞതാണ് തീപിടിത്തത്തിന് കാരണം എന്ന് പറയപ്പെടുന്നു.
സീറോവേസ്റ്റ് നഗരസഭ തുടങ്ങിയിട്ട് വർഷങ്ങൾ കഴിഞ്ഞെങ്കിലും തലശ്ശേരി നഗരസഭയുടെ നിയന്ത്രണത്തിന് കീഴിലുള്ള മലബാറിലെ ഏറ്റവും വലിയ ജനറൽ ആശുപത്രി പരിസരം മിക്കപ്പോഴും മാലിന്യങ്ങളാൽ നിറയുകയാണ്.