കൂത്തുപറമ്പ്:കണ്ണവത്ത് വിദ്യാർത്ഥികളുൾപ്പെടെ പതിനെട്ടുപേർക്ക് കടന്നൽക്കുത്തേറ്റു.ഇന്നലെ ഉച്ചയോടെയാണ് സംഭവം.പഠനയാത്രയുടെ ഭാഗമായി പെരുവനത്തിൽ പോയി തിരിച്ചു വരികയായിരുന്ന കണ്ണവം യു.പി സ്കൂളിലെ 13 വിദ്യാർത്ഥികൾക്കും മൂന്ന് അദ്ധ്യാപകർക്കും സ്കൂളിലെ മറ്റു രണ്ട് ജീവനക്കാർക്കുമാണ് കടന്നൽ കുത്തേറ്റത്.ആരുടെയും പരിക്ക് ഗുരുതരമല്ല.47 കുട്ടികളാണ് പഠനയാത്രയിൽ ഉണ്ടായിരുന്നത്.മറ്റുകുട്ടികൾ ഓടി മാറിയതിനാൽ കുത്തേൽക്കാതെ രക്ഷപ്പെട്ടു.പരിക്കേറ്റവർ കൂത്തുപറമ്പ് താലൂക്കാശുപത്രിയിൽ ചികിത്സ തേടി.