കണ്ണൂർ:കത്തിച്ചുവെച്ച മെഴുകുതിരിയിൽ നിന്നും തീപടർന്ന് വാഷിങ് മെഷീൻ കത്തി.ഇതിൽ നിന്നുള്ള പുക ശ്വസിച്ച് 85 കാരിയായ വീട്ടമ്മ മരിച്ചു.അഴീക്കോട് ചാൽ ബീച്ചിനു സമീപം തായക്കണ്ടി ലീലയാണ് മരിച്ചത്.വാഷിങ് മെഷീൻ വെച്ചിരുന്ന മുറിയിലാണ് ലീല ചൊവ്വാഴ്ച രാത്രി കിടന്നുറങ്ങിയിരുന്നത്.രാത്രിയിൽ കറണ്ട് പോയപ്പോൾ മെഴുകുതിരി കത്തിച്ചു വെച്ചിരുന്നു.ഇതിൽ നിന്നും തീപടർന്നാകാം വാഷിങ് മെഷീനിനു തീപിടിച്ചതെന്ന് കരുതുന്നു. പുക മറ്റു മുറികളിലേക്കും കൂടി വ്യാപിച്ചതോടെ അടുത്ത മുറികളിൽ കിടന്നുറങ്ങുകയായിരുന്ന മക്കൾ എഴുനേറ്റു നോക്കിയപ്പോളാണ് ലീലയെ അബോധാവസ്ഥയിൽ കണ്ടത്.ഉടൻതന്നെ കണ്ണൂർ ജില്ലാ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.മക്കൾ:ഗംഗൻ(കേരള യുക്തിവാദി സംഘം പ്രസിഡന്റ്),ദിവാകരൻ(ഡ്രൈവർ),പ്രേമജ.