മുംബൈ:ഇന്ത്യ-ഇംഗ്ലണ്ട് നാലാം ക്രിക്കറ്റ് ടെസ്റ്റിലെ ഒന്നാം ഇന്നിങ്സിൽ ഇന്ത്യ തിളങ്ങുന്നു.ഇന്ന് നാലാം ദിനം കളി തുടരുമ്പോൾ ഇന്ത്യൻ ക്യാപ്റ്റൻ വിരാട് കോഹ്ലി(147) ജയന്ത് യാദവ്(30)റൺസ് എന്ന നിലയിലായിരുന്നു.
വിരാട് കോഹ്ലി 340 പന്തുകളെ നേരിട്ട് 25 ബൗണ്ടറിയും ഒരു സിക്സും നേടി 235 റൺസെടുത്തു പുറത്തായി.ജയന്ത് യാദവ് 204 പന്തുകളെ നേരിട്ട് 15 ബൗണ്ടറിയടക്കം104 റൺസ് നേടി.
ഇന്ത്യ ഇന്ന് നാലാം ദിനം കളിഐ തുടരുമ്പോൾ 7 വിക്കറ്റ് നഷ്ടത്തിൽ 451 റൺസ് എന്ന നിലയിലായിരുന്നു.ഇന്ന് അത് 631 റൺസായി.ഇതോടെ ഇന്ത്യക്കു 231 റൺസിന്റെ ലീഡുണ്ട്.
ഇംഗ്ലണ്ടിന് വേണ്ടി ആദിൽ റഷീദ് നാലും മൊയീൻ അലി,ജോ റൂട്ട് എന്നിവർ രണ്ടും വീതം വിക്കറ്റുകൾ നേടി.ഭാവനേശ്വർ കുമാർ (9) ഉമേഷ് യാദവ് (6) റൺസ് എടുത്തു പുറത്താകാതെ നിന്നു.
ഇനി ഒന്നര ദിവസത്തെ കളി ബാക്കിയുണ്ട്.കോഹ്‌ലിയുടെ ഈ വർഷത്തെ മൂന്നാമത്തെ ഇരട്ട സെഞ്ച്വറിയാണിത്.തുടർച്ചയായി മൂന്ന് പരമ്പരകളിൽ ഇരട്ട സെഞ്ച്വറി നേടുന്ന താരം കൂടിയാണ് കോഹ്ലി.ഇന്ത്യക്കായി ഓപ്പണർ മുരളി വിജയ് മൂന്നാം ദിനത്തിൽ (136) സെഞ്ച്വറി നേടിയിരുന്നു.