കോട്ടയം:കോട്ടയം ഭാരത് ആശുപത്രിയിൽ അകാരണമായി നഴ്സുമാരെ പിരിച്ചുവിട്ടതിൽ പ്രതിഷേധിച്ച് നടത്തിവരുന്ന സമരത്തിനിടയിൽ പോലീസും സമരക്കാരും തമ്മിൽ സംഘർഷം. സമരക്കാരെ പോലീസ് ഒഴിപ്പിക്കാൻ ശ്രമിക്കുന്നതിനിടയിലായിരുന്നു സംഘർഷം.അഞ്ചു നഴ്സുമാരെ കാരണമില്ലാതെ അധികൃതർ പിരിച്ചു വിട്ടതിനു പിന്നാലെയാണ് സമരം ആരംഭിച്ചത്.കഴിഞ്ഞ നാൽപതു ദിവസമായി സമരം നടന്നു വരികയാണ്.യു എൻ എയുടെ നേതൃത്വത്തിൽ ഇന്ന് നഴ്‌സുമാർ കളക്റ്ററേറ്റിലേക്കും ആശുപത്രിയിലേക്കും പ്രതിഷേധ റാലി നടത്തി. ഇതേ തുടര്‍ന്നാണ് ആശുപത്രിക്ക് മുന്നില്‍ സംഘര്‍ഷാവസ്ഥയുണ്ടായതും പതിനഞ്ചോളം നഴ്സുമാരെ അറസ്റ്റ് ചെയ്ത് നീക്കിയതും.സംഘർഷത്തിൽ മൂന്നു നഴ്‌സുമാർക്ക് പരിക്കേറ്റതായാണ് വിവരം.നഴ്‌സുമാർക്ക് പിന്തുണയുമായി പി.സി ജോർജ് ഉൾപ്പെടെയുള്ള നേതാക്കളും രംഗത്തെത്തിയിരുന്നു.