തിരുവനന്തപുരം:ഇന്ന് വിജയദശമി.അറിവിന്റെ ആദ്യാക്ഷരം നുണഞ്ഞ് ആയിരക്കണക്കിന് കുരുന്നുകൾ അക്ഷമുറ്റത്തേക്ക് പിച്ചവെച്ചു കയറുന്ന ദിനം.കേരളത്തിലങ്ങോളമിങ്ങോളം ലക്ഷക്കണക്കിന് കുരുന്നുകൾ വിവിധ സ്ഥലങ്ങളിലായി ഹരിശ്രീ കുറിക്കും.സാമൂഹിക സാംസ്‌കാരിക രംഗങ്ങളിലെ പ്രമുഖരാണ് അക്ഷര വെളിച്ചം പകർന്നു കൊടുക്കുന്നത്.കൊല്ലൂർ മൂകാംബിക ക്ഷേത്രത്തിലും തിരൂർ തുഞ്ചൻ പറമ്പിലുമെല്ലാം നിരവധി കുട്ടികളാണ് ഹരിശ്രീ കുറിക്കാനായി എത്തുന്നത്.നാവിൽ സ്വർണ്ണമോതിരം കൊണ്ടും അരിയിൽ ചൂണ്ടുവിരൽ കൊണ്ടും ഹരിശ്രീ ഗണപതയെ നമ: എന്നെഴുതി കുട്ടികൾ അക്ഷര ലോകത്തേക്ക് ചുവടുവെയ്ക്കും.