മലപ്പുറം:വേങ്ങര ഉപതിരഞ്ഞെടുപ്പ് പൂർത്തിയായി.ലോക്സഭാ തിരഞ്ഞെടുപ്പിൽ മത്സരിക്കുന്നതിനായി പി.കെ കുഞ്ഞാലിക്കുട്ടി രാജിവെച്ച ഒഴിവിലേക്കാണ് ഉപതിരഞ്ഞെടുപ്പ് നടന്നത്.വേങ്ങര മണ്ഡലത്തിൽ പെട്ട എല്ലാ പഞ്ചായത്തുകളിലും മികച്ച പോളിംഗാണ് രേഖപ്പെടുത്തിയത്.വോട്ടിങ് സമാധാനപരമായിരുന്നു.വൈകിട്ട് ആറുമണി വരെയായിരുന്നു പോളിംഗ്.ആർക്കാണ് വോട്ട് ചെയ്തതെന്ന് വോട്ടർമാർക്ക് കാണാൻ പറ്റുന്ന സംവിധാനമായ വിവി പാറ്റ് എല്ലാ ബൂത്തുകളിലും ഒരുക്കിയിരുന്നു.വോട്ടെടുപ്പിന് ശേഷം വോട്ടിങ് യന്ത്രങ്ങൾ തിരൂരങ്ങാടി പിഎസ്എംഓ കോളേജിലെ സ്ട്രോങ്ങ് റൂമിലെത്തിക്കും.ഞായറാഴ്ചയാണ് വോട്ടെണ്ണൽ.