കൊച്ചി:നിർമാതാവിന്റെ ഭാര്യയായ മുതിർന്ന നടിയെ തട്ടിക്കൊണ്ടുപോകാൻ ഉപയോഗിച്ച വാഹനം പോലീസ് കണ്ടെടുത്തു.ദേശീയപാതയിൽ പനങ്ങാടിന് സമീപം മാടവനയിൽ നിന്നാണ് വാൻ കണ്ടെടുത്തത്.ഈ വാൻ കോയമ്പത്തൂരിലേക്ക് കടത്തി എന്നായിരുന്നു പ്രതികൾ നേരത്തെ പോലീസിനോട് പറഞ്ഞിരുന്നത്.കാക്കനാട്ടെ ട്രാവൽ ഏജൻസിയിൽ നിന്നും വാടകയ്‌ക്കെടുത്തതായിരുന്നു ഈ വാൻ.പിറ്റേന്ന് വാഹനംതിരികെ നൽകി.ട്രാവൽ ഏജൻസി പിന്നീട് ഈ വാഹനം മാടവന സ്വദേശിക്കു വിൽക്കുകയായിരുന്നുവെന്നു സി.ഐ അനന്തലാൽ പറഞ്ഞു.ആറ് വർഷം മുൻപ് നടന്ന ഈ സംഭവത്തിൽ സുനി ലക്ഷ്യമിട്ടതു മറ്റൊരു യുവനടിയെ ആയിരുന്നു.എന്നാൽ അന്ന് പദ്ധതി പാളിയപ്പോൾ പ്രമുഖ നിർമാതാവിന്റെ ഭാര്യയായ മുതിർന്ന നടിയെ തട്ടികൊണ്ടുപോവുകയായിരുന്നു.അന്നത്തെ സംഭവത്തിൽ നിർമാതാവ് പോലീസിൽ പരാതി നൽകിയിരുന്നെങ്കിലും പരാതി ഗൗരവത്തിൽ എടുത്ത് അന്വേഷണം നടത്താതെ പോയത് സുനിക്കും കൂട്ടർക്കും ഗുണകരമായി മാറുകയായിരുന്നു.