വരുന്നൂ വെജിറ്റബിൾ മുട്ട

ഇറ്റലി:പച്ചക്കറിയിൽ നിന്നും രൂപം കൊടുക്കുന്ന കൃത്രിമ മുട്ട വിപണിയിലേക്ക്.പരിശോധന ശാലയിൽ നിന്നും പൂർണ്ണമായും പച്ചക്കറികളിൽ നിന്നും നിർമിച്ച പുഴുങ്ങിയ മുട്ടയാണ് വിപണിയിലെത്തുന്നത്.വി-വെഗി(v-egg-ie-) എന്ന പേരിൽ വിപണിയിലെത്തുന്ന മുട്ടയ്ക്ക് യഥാർത്ഥ മുട്ടയുടെ അതെ രൂപവും ഗുണങ്ങളുമാണുള്ളത്.സോയ ബീനിൽ നിന്നും വെജിറ്റബിൾ ഓയിലിൽ നിന്നുമാണ് ഈ മുട്ട ഉണ്ടാക്കുന്നത്.ഇതിൽ ചേർക്കുന്ന ഉപ്പിൽ നിന്നുമാണ് യഥാർത്ഥ മുട്ടയുടെ രുചി ഇതിനു ലഭിക്കുന്നത്.കൊളസ്ട്രോളിനെ പേടിക്കാതെ ഈ മുട്ട കഴിക്കുകയും ചെയാം.ഒന്നര വർഷത്തോളം ഗവേഷണം നടത്തിയാണ് ഇറ്റലിയിലെ യുഡിൻ സർവകലാശാലയിലെ ഫുഡ് ആൻഡ് ടെക്നോളജി വിദ്യാർഥികൾ ഈ പച്ചക്കറി മുട്ട സൃഷ്ട്ടിച്ചത്.മുട്ടയുടെ നിർമാണ രഹസ്യം ഇവർ ഇത് വരെ പുറത്തുവിട്ടിട്ടില്ല.രുചിയിലും ഗുണത്തിലും യഥാർത്ഥ മുട്ടയ്‌ക്കൊപ്പം നിൽക്കുന്നതാണ് വെഗിയെന്ന് ഗവേഷകർ പറയുന്നു.പുതുതായി ഒരു ഭക്ഷ്യവസ്തു ഉണ്ടാക്കണമെന്ന ആശയത്തെ തുടർന്നാണ് വെജിറ്റബിൾ മുട്ട ഉണ്ടാക്കാനായുള്ള ഗവേഷണം ആരംഭിച്ചത്.