വടകര:വിവാഹ വീടുകളിലെത്തുന്ന സ്ത്രീകളുടെ ഫോട്ടോ മോർഫ് ചെയ്ത് അശ്ളീല ചിത്രങ്ങളാക്കി പ്രചരിപ്പിച്ച സംഭവത്തിലെ മുഖ്യപ്രതി പിടിയിലായി.വടകര സ്വദേശി ബിബിഷാണ് പിടിയിലായത്.സംഭവവുമായി ബന്ധപ്പെട്ട് വടകരയിലെ സദയം ഷൂട്ട് ആൻഡ് എഡിറ്റ് സ്റ്റുഡിയോയുടെ ഉടമ ദിനേശൻ,ഫോട്ടോഗ്രാഫർ സതീശൻ എന്നിവരെ പോലീസ് നേരത്തെ അറസ്റ്റ് ചെയ്തിരുന്നു.എന്നാൽ മുഖ്യപ്രതിയായ ബിബീഷിനെ പിടികൂടാത്തതിൽ വൻ പ്രതിഷേധം ഉയർന്നിരുന്നു.ഇതിനെ തുടർന്ന് ഇയാൾക്ക് വേണ്ടി പോലീസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു.തുടർന്നാണ് ഇയാൾ അറസ്റ്റിലാകുന്നത്.സദയം സ്റ്റുഡിയോയിലെ വീഡിയോ എഡിറ്ററാണ് അറസ്റ്റിലായ ബിബീഷ്.വിവാഹ ചടങ്ങുകളുടെ വീഡിയോകളിൽ നിന്നും സ്ത്രീകളുടെയും പെൺകുട്ടികളുടെയും ഫോട്ടോയെടുത്ത് അശ്ളീല ചിത്രങ്ങൾ ചേർത്ത് പ്രദർശിപ്പിച്ചു എന്നാണ് കേസ്.