വളപട്ടണം: വളപട്ടണം പാലത്തിലെ തെരുവ് വിളക്കുകൾ കത്താതായിട്ട് വർഷങ്ങൾ പിന്നിട്ടിരിക്കുകയാണ്. വളപട്ടണം ബോട്ട് ജെട്ടിമുതൽ പഴയങ്ങാടി റോഡ് ചുങ്കം വരെയുള്ള 25 ഓളം തെരുവ് വിളക്കുകളിൽ ഒന്നുപോലും കത്തുന്നില്ല. ഏഴു വര്ഷം മുൻപ് എം പ്രകാശൻ എം എൽ എ യുടെ വികസന ഫണ്ടുപയോഗിച്ചാണ് തെരുവ് വിളക്കുകൾ സ്ഥാപിച്ചത്. പാലത്തിൽ വിളക്കുകൾ ഇല്ലാത്തത് അപകട സാധ്യത വർധിപ്പിക്കുകയാണ്. പാലത്തിന്റെ അടിഭാഗത്ത് താവളമാക്കുന്ന നായകളുടെ ശല്യം കാരണം കാൽനട യാത്ര ഭീഷണിയാണ്. ഒരു മാസത്തിനുള്ളിൽ പ്രശ്നം പരിഹരിക്കുമെന്നാണ് അധികാരികൾ പറയുന്നത്.