തിരുവനന്തപുരം:സംസ്ഥാന സർക്കാർ പുതിയ ആരോഗ്യ നയം പ്രഖ്യാപിച്ചു.ഇത് പ്രകാരം ഇനി മുതൽ സ്കൂൾ പ്രവേശന സമയത്ത് വാക്സിൻ രേഖ നിർബന്ധമാക്കി. സ്വകാര്യ കച്ചവട സ്ഥാപനങ്ങളെ നിയന്ത്രിച്ച് പൊതു ആരോഗ്യ സംവിധാനത്തെ ശക്തിപ്പെടുത്താൻ ഉദ്ദേശിച്ചുള്ളതാണ് പുതിയ നയമെന്ന് ആരോഗ്യമന്ത്രി കെ.കെ ശൈലജ വ്യക്തമാക്കി.വാക്സിൻ പ്രവർത്തനങ്ങൾക്കെതിരെയുള്ള ക്യാമ്പെയിനുകളെ പരാജയപ്പെടുത്താൻ നടപടിയെടുക്കുമെന്നും ആരോഗ്യനയത്തിൽ വ്യക്തമാക്കുന്നുണ്ട്.ഇത് കൂടാതെ പ്രാഥമിക ആരോഗ്യ കേന്ദ്രങ്ങളുടെ പ്രവർത്തനം വൈകിട്ട് ആറുമണിവരെയാക്കും, പകർച്ചവ്യാധികൾക്കെതിരെ ശക്തമായ ക്യാമ്പയിൻ നടത്തും,ജീവിത ശൈലീ രോഗങ്ങളുടെ നിയന്ത്രണത്തിന് നടപടി സ്വീകരിക്കും,കൃത്യമായ ബോധവൽക്കരണം നടത്തും എന്നിവയും ആരോഗ്യനയത്തിലുള്ള മറ്റ് പ്രധാന നിർദേശങ്ങളാണ്.