തിരുവനന്തപുരം:സംസ്ഥാനത്ത് 18 വയസ്സിന് മുകളിലുള്ളവർക്കുള്ള വാക്‌സിനേഷന്‍ ഇന്ന് ആരംഭിക്കില്ല.കൂടുതല്‍ വാക്‌സിന്‍ അനുവദിക്കാതെ ഈ വിഭാഗത്തിന് വാക്‌സിന്‍ വിതരണം ആരംഭിക്കേണ്ട എന്നാണ് സർക്കാർ തീരുമാനം.സംസ്ഥാനത്തെ വിവിധ ജില്ലകളില്‍ വാക്‌സിന്‍ ക്ഷാമത്തെ തുടര്‍ന്ന് വാക്‌സിന്‍ മുടങ്ങിയേക്കുമെന്നും സര്‍ക്കാര്‍ അറിയിച്ചിട്ടുണ്ട്. 45 വയസിന് മുകളില്‍ ഉള്ളവര്‍ക്ക് നല്‍കാനുള്ള വാക്‌സിനാണ് സംസ്ഥാനത്ത് ഇതുവരെ ലഭിച്ചത്.ഇത് തന്നെ എല്ലാ ജില്ലകളിലും വിതരണം ചെയ്യാന്‍ പോലും തികയാത്ത അവസ്ഥയാണ്.കൂടാതെ വാക്‌സിന്‍റെ രണ്ടാം ഡോസ് എടുക്കാനായി രജിസ്റ്റര്‍ ചെയ്തവര്‍ക്കും വാക്‌സിൻ ലഭിക്കാൻ ബുദ്ധിമുട്ടാണ്.അതിനാല്‍ മൂന്നാംഘട്ട വാക്‌സിനേഷന്‍ കൂടുതല്‍ വാക്‌സിന്‍ അനുവദിക്കാതെ ആരംഭിക്കേണ്ട എന്ന തീരുമാനത്തിലാണ് സര്‍ക്കാര്‍.