തിരുവനന്തപുരം:എൻ സി പി സംസ്ഥാന അധ്യക്ഷനായിരുന്ന ഉഴവൂർ വിജയൻറെ മരണവുമായി ബന്ധപ്പെട്ട് പാർട്ടി നേതാവ് സുൾഫിക്കർ മയൂരിക്കെതിരെ കേസെടുക്കാൻ ക്രൈം ബ്രാഞ്ച് ശുപാർശ ചെയ്തു.മരണത്തിനു തൊട്ടുമുന്പായി സുൾഫിക്കർ മയൂരി ഉഴവൂരിനോട് അതിരൂക്ഷ പരാമർശങ്ങൾ ഉന്നയിച്ചു നടത്തിയ ഫോൺ സംഭാഷണത്തിന്റെ ശബ്ദരേഖ ക്രൈം ബ്രാഞ്ച് കണ്ടെടുത്തിരുന്നു.പാർട്ടിയിലെ മറ്റൊരു നേതാവിനെ വിളിച്ചു ഉഴവൂരിനെ കുറിച്ച് മോശമായി സംസാരിച്ച സുൾഫിക്കർ ഉഴവൂരിനെ നേരിട്ട് വിളിച്ചും മോശമായി സംസാരിച്ചു. സുൽഫിക്കറിനെതിരെ വധഭീഷണി അടക്കമുള്ള കുറ്റങ്ങൾ ചുമത്തി എഫ് ഐ ആർ രജിസ്റ്റർ ചെയ്യണമെന്ന് ക്രൈം ബ്രാഞ്ച് ഐജി എസ്.ശ്രീജിത്തിന്റെ നേതൃത്വത്തിലുള്ള അന്വേഷണ സംഘം തയ്യാറാക്കിയ റിപ്പോർട്ടിൽ പറയുന്നു.റിപ്പോർട് ഉടൻ സർക്കാരിന് കൈമാറുമെന്നാണ് സൂചന.