കൊച്ചി:എൻ.സി.പി സംസ്ഥാന പ്രസിഡന്റ് ഉഴവൂർ വിജയൻ(60) അന്തരിച്ചു.കൊച്ചിയിലെ സ്വകാര്യ ആശുപത്രിയിൽ ഇന്ന് രാവിലെ 6.55 നാണ് അന്ത്യം.കഴിഞ്ഞ ഒരു മാസമായി ഉദരസംബന്ധമായ അസുഖത്തെ തുടർന്ന് ചികിത്സയിലായിരുന്നു.ഈ മാസം പതിനൊന്നിനാണ് അദ്ദേഹത്തെ കോട്ടയത്തെ സ്വകാര്യ ആശുപത്രിയിൽ പ്രവേശിപ്പിച്ചത്.ആരോഗ്യനില മോശമായതിനെ തുടർന്ന് പിന്നീട് അദ്ദേഹത്തെ കൊച്ചിയിലെ സ്വകാര്യ ആശുപത്രിയിലേക്ക് മാറ്റുകയായിരുന്നു.മലിനീകരണ നിയന്ത്രണ ബോർഡ്,എഫ്.സി.ഐ ഉപദേശക സമിതി എന്നിവയിൽ അംഗമായിരുന്നു.കോട്ടയം കുറിച്ചിത്താനം സ്വദേശിയാണ്.ചെറിയ രാഷ്ട്രീയ പാർട്ടിയായിട്ടു പോലും ഇടതുമുന്നണിയിൽ തനതു സ്ഥാനം ഉറപ്പിക്കാൻ എൻ.സി.പി ക്കു സാധിച്ചത് ഉഴവൂർ വിജയൻറെ സാന്നിധ്യമാണ്.കുറിച്ചിത്താനം കരംകുന്നേൽ ഗോവിന്ദൻ നായരുടെയും ലക്ഷ്മിക്കുട്ടിയമ്മയുടെയും ഏകമകനാണ്.