തിരുവനന്തപരം:സംസ്ഥാനത്തെ ലോട്ടറി വില്പനക്കാർക്ക് ഇനി മുതൽ യൂണിഫോമും.ലോട്ടറി പരസ്യത്തോട് കൂടിയ കുങ്കുമ നിറത്തിലുള്ള ഓവർകോട്ട് ധരിച്ചാണ് ഇനി മുതൽ ഇവർ ലോട്ടറി വില്പനനടത്തുക.യൂണിഫോമിനൊപ്പം പ്രത്യേക തരം കുടയും നൽകുന്നുണ്ട്. സംസ്ഥാനത്തെ ലോട്ടറി ഏജന്റുമാരുടെയും ചില്ലറ വില്പനക്കാരുടെയും ക്ഷേമനിധി ബോർഡാണ് ലോട്ടറി വില്പനക്കാർക്ക് യൂണിഫോം കൊണ്ടുവരാൻ കഴിഞ്ഞമാസം തീരുമാനമെടുത്തത്. കുടുംബശ്രീക്കാണ് ലോട്ടറി വില്പനക്കാരുടെ യൂണിഫോം തയ്യാറാക്കുന്നതിനുള്ള ചുമതല നൽകിയിരിക്കുന്നത്.ഒരു യൂണിഫോമിന് 300 രൂപയാണ് കുടുംബശ്രീക്ക് നൽകേണ്ടത്.ജില്ലാ ലോട്ടറി ഓഫീസിൽ നിന്നും രണ്ടു യൂണിഫോം കോട്ടുകൾ സൗജന്യമായി നൽകുന്നുമുണ്ട്. ക്ഷേമനിധിയിൽ അംഗങ്ങളായ 50000 പേർക്കാണ് ആദ്യഘട്ടത്തിൽ യൂണിഫോം ലഭ്യമാക്കുക.