ക്രൈസ്റ്റ്ചർച്ച്:അണ്ടർ 19 ലോകകപ്പ് ക്രിക്കറ്റ് സെമി ഫൈനലിൽ പാക്കിസ്ഥാനെ തകർത്ത് ഇന്ത്യ ഫൈനലിൽ പ്രവേശിച്ചു.സെമി ഫൈനലിൽ 273 റൺസ് എന്ന വിജയലക്ഷ്യവുമായി ഇറങ്ങിയ പാക്കിസ്ഥാന് 69 റൺസ് എടുക്കാനെ സാധിച്ചുള്ളൂ.ഇതോടെ 203 റൺസിന്റെ തകർപ്പൻ ജയവുമായി ഇന്ത്യ ഫൈനലിൽ കടന്നു.ഫൈനലിൽ ഓസ്‌ട്രേലിയയെയാണ് ഇന്ത്യ നേരിടുക. ടോസ് നേടി ബാറ്റിങ്ങിനിറങ്ങിയ ഇന്ത്യ നിശ്ചിത 50 ഓവറിൽ ഒൻപതു വിക്കറ്റ് നഷ്ടത്തിൽ 272 റൺസ് എടുത്തു.മറുപടി ബാറ്റിങ്ങിനിറങ്ങിയ പാക്കിസ്ഥാന് 69 റൺസ് എടുക്കുന്നതിനിടെ എല്ലാ വിക്കറ്റും നഷ്ടമായി.ആറ് ഓവറിൽ 17 റൺസ് മാത്രം വിട്ടു നൽകി നാല് വിക്കറ്റെടുത്ത ഇഷാൻ പൊറേലിന്റെ മികവാണ് ഇന്ത്യയ്ക്ക് തുണയായത്.ശിവ സിംഗും റിയാൻ പരാഗും രണ്ട് വിക്കറ്റ് വീതം വീഴ്ത്തി.നേരത്തെ, ആദ്യം ബാറ്റ് ചെയ്ത ഇന്ത്യ ശുഭ്മാൻ ഗില്ലിന്‍റെ അപരാജിത സെഞ്ചുറിയുടെ കരുത്തിലാണ് മികച്ച ടോട്ടൽ പടുത്തുയർത്തിയത്.94 പന്തിൽ നിന്നും പുറത്താകാതെ 102 റൺസാണ് ശുഭ്മാൻ ഗിൽ സ്വന്തമാക്കിയത്.പാക് നിരയിൽ മൂന്ന് പേർക്ക് മാത്രമാണ് രണ്ടക്കം കടക്കാനായത്. 18 റൺസ് നേടിയ റോഹൈൽ നസീർ ആണ് പാക്കിസ്ഥാന്‍റെ ടോപ് സ്കോറർ.