കോഴിക്കോട്: യന്ത്രത്തകരാര്‍ മൂലം വോട്ടെണ്ണല്‍ തടസ്സപ്പെട്ടതിനെ തുടര്‍ന്ന് റീ പോളിങ് നടത്തിയ തിരൂരങ്ങാടി, ബത്തേരി എന്നിവിടങ്ങളിൽ യുഡിഎഫിന് ജയം.സുല്‍ത്താന്‍ ബത്തേരി നഗരസഭ തൊടുവട്ടി ഡിവിഷനില്‍ യു ഡി എഫ് സ്ഥാനാര്‍ത്ഥി അസീസ്‌ മാടാലയും, മലപ്പുറം തിരൂരങ്ങാടി നഗരസഭയിലെ മുപ്പത്തിനാലാം വാര്‍ഡില്‍ യു ഡി എഫ് സ്ഥാനാര്‍ത്ഥി മുസ്ലിം ലീഗിലെ ജഹ്ഫര്‍ കുന്നത്തേരിയുമാണ് വിജയിച്ചത്.യന്ത്രത്തകരാര്‍ മൂലം ഫലം വീണ്ടെടുക്കാനാവാത്തതിനെ തുടര്‍ന്നായിരുന്നു ഇവിടെ റീം പോളിങ് നടത്തിയത്. 76.67 ശതമാനമാണ് വോട്ടിങ് നില. ഡിസംബര്‍ പത്തിന് ഉണ്ടായ പോളിംഗിനേക്കാള്‍ പത്ത് വോട്ടു കുറവാണ് ഇത്തവണ പോള്‍ രേഖപ്പെടുത്തിയത്.