തിരുവനന്തപുരം: ഇടതുഭരണം വൻപരാജയമെന്ന് യു.ഡി.എഫ്. ഒരുവർഷത്തെ ഇടതുഭരണം ജനജീവിതം ദുസ്സഹമാക്കിയെന്ന് യോഗതീരുമാനങ്ങൾ വിശദീകരിച്ച വാർത്തസമ്മേളനത്തിൽ പ്രതിപക്ഷനേതാവ് രമേശ് ചെന്നിത്തലയും പി.പി.തങ്കച്ചനും കുറ്റപ്പെടുത്തി. സർക്കാറിെൻറ ഒന്നാംവാർഷികദിനമായ ഈ മാസം 25ന് ‘ഒന്നുംശരിയാകാത്ത ഒരുവർഷം’ എന്ന പേരിൽ മുഴുവൻ നിയമസഭ മണ്ഡലങ്ങളിലും യു.ഡി.എഫ് പൊതുയോഗവും പ്രകടനവും സംഘടിപ്പിക്കും. എല്ലാവിഭാഗം ജനങ്ങൾക്കും സർക്കാറിന്റെ പ്രവർത്തനത്തോട് അമർഷമുണ്ട്. ഇടതുമുന്നണിയിലും അസ്വാരസ്യങ്ങൾ വർധിക്കുകയാണ്.