കണ്ണൂർ:കണ്ണൂരിൽ തെരഞ്ഞെടുപ്പ് പ്രചാരണത്തിന് കൊടി കെട്ടുന്നതിനിടെ വൈദ്യുതാഘാതമേറ്റ് യുഡിഎഫ് പ്രവര്‍ത്തകന്‍ മരിച്ചു.മട്ടന്നൂര്‍ ചാവശ്ശേരി സ്വദേശി മുഹമ്മദ് സിനാന്‍ (22) ആണ് മരിച്ചത്. എംഎസ്‌എഫ് ഇരിട്ടി മുനിസിപ്പല്‍ കമ്മിറ്റി ട്രഷററാണ് സിനാന്‍.ശനിയാഴ്ച രാത്രി 12 മണിയോടെയായിരുന്നു അപകടം. പേരാവൂര്‍ മണ്ഡലത്തിലെ യുഡിഎഫ് സ്ഥാനാര്‍ഥിയായ സണ്ണി ജോസഫിന്റെ പര്യടനത്തിന്റെ ഭാഗമായി കൊടി കെട്ടുമ്പോൾ വൈദ്യുതി ലൈനില്‍ തട്ടി ഷോക്കേല്‍ക്കുകയായിരുന്നു.മൃതദേഹം ജില്ല ആശുപത്രിയില്‍നിന്ന് പോസ്റ്റ്മോര്‍ട്ടത്തിനുേശഷം ഇന്നലെ വൈകീട്ട് മൂന്നോടെ കൊതേരിയില്‍ എത്തിച്ചു. ഇവിടെനിന്ന് സണ്ണി ജോസഫ് എം.എല്‍.എയുടെ നേതൃത്വത്തില്‍ യു.ഡി.എഫ് നേതാക്കള്‍ ഏറ്റുവാങ്ങി വിലാപയാത്രയായി ചാവശ്ശേരിയിലെ വീട്ടിലെത്തിച്ചു. തുടര്‍ന്ന് ചാവശ്ശേരി എല്‍.പി സ്‌കൂളില്‍ പൊതുദര്‍ശനത്തിനു വെച്ചു. നാടിന്റെ നാനതുറകളിലുള്ള നൂറുകണക്കിന് ആളുകളാണ് അന്ത്യാഞ്ജലി അര്‍പ്പിക്കാന്‍ എത്തിയത്.എ.ഐ.സി.സി സെക്രട്ടറി കെ.സി. വേണുഗോപാല്‍, എ.ഐ.സി.സി നിരീക്ഷകന്‍ ബംഗറേഷ് ഹിരമത്ത്, കെ. സുധാകരന്‍ എം.പി, വി.കെ. അബ്ദുല്‍ ഖാദല്‍ മൗലവി, അന്‍സാരി തില്ലങ്കേരി, ഇല്ലിക്കല്‍ അഗസ്തി, കരിം ചേലേരി, വത്സന്‍ തില്ലങ്കേരി, ചന്ദ്രന്‍ തില്ലങ്കേരി, ഇബ്രാഹിം മുണ്ടേരി, നഗരസഭ ചെയര്‍പേഴ്‌സന്‍ കെ. ശ്രീലത, വൈസ് ചെയര്‍മാന്‍ പി.പി. ഉസ്മാന്‍, എല്‍.ഡി.എഫ് സ്ഥാനാര്‍ഥി കെ.വി. സക്കീര്‍ ഹുസൈന്‍, പി.പി. അശോകന്‍, തോമസ് വര്‍ഗീസ്, കെ. വേലായുധന്‍, എം.പി. അബ്ദുറഹ്മാന്‍, സിറാജ് പൂക്കോത്ത്, സമീര്‍ പുന്നാട്, അജ്മല്‍ മാസ്റ്റര്‍, സി.കെ. നജാഫ്, സുധീപ് ജെയിംസ്, നസീര്‍ നെല്ലൂര്‍ തുടങ്ങിയ നിരവധി പേര്‍ അന്ത്യാഞ്ജലി അര്‍പ്പിക്കാനെത്തി. യുപി ഹൗസില്‍ ബഷീര്‍-സൗറ ദമ്ബതികളുടെ മകനാണ് സിനാന്‍. സഹ്ഫറ, ഷിറാസ്, ഷഹ്‌സാദ്, ഇര്‍ഫാന്‍ എന്നിവര്‍ സഹോദരങ്ങളാണ്.