ന്യൂഡൽഹി:മെഡിക്കൽ സ്റ്റോറിൽ നിന്നും നൽകിയ തെറ്റായ മരുന്ന് കഴിച്ചതിനെ തുടർന്ന് രക്തം ഛര്‍ദ്ദിച്ച്‌ രണ്ട് വയസുകാരി മരിച്ചു.ന്യൂഡല്‍ഹി ഷാദരയിലെ ജിടിബി പ്രദേശത്താണ് സംഭവം. പ്രദേശത്തുള്ള മെഡിക്കല്‍ സ്റ്റോറില്‍ നിന്നുമാണ് കുട്ടിക്ക് അമ്മ മരുന്ന വാങ്ങി നല്‍കിയതെന്ന് പോലീസ് പറഞ്ഞു.സംഭവത്തില്‍ കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.കടുത്ത പനിയും ചുമയും മൂലം ബുധനാഴ്ചയാണ് മരുന്ന് വാങ്ങുന്നതിന് വേണ്ടി കുട്ടിയേയും കൊണ്ട് അമ്മ മെഡിക്കല്‍ സ്റ്റോറിലെത്തിയത്.എന്നാല്‍ മരുന്ന് കഴിച്ചിട്ടും കുട്ടിയുടെ രോഗത്തിന് ശമനമാകാത്തതിനെ തുടര്‍ന്ന് അമ്മ വീണ്ടും കുട്ടിയേയും കൊണ്ട് മെഡിക്കല്‍ സ്റ്റോറില്‍ എത്തി. തുടര്‍ന്ന്, സ്റ്റോര്‍ ജീവനക്കാര്‍ കുഞ്ഞിന് ഇഞ്ചക്ഷന്‍ നല്‍കി.പിന്നീട് വീട്ടില്‍ തിരിച്ചെത്തിയ കുട്ടി രക്തം ഛര്‍ദ്ദിക്കുകയായിരുന്നു. ഉടന്‍ തന്നെ അമ്മ കുട്ടിയെ ജിടിബി ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.