കണ്ണൂർ: മാട്ടൂൽ സൗത്ത് ഫിഷര്‍മെന്‍ കോളനിക്കടുത്ത് യുവാവ് കുത്തേറ്റുമരിച്ച സംഭവത്തിൽ രണ്ടുപേര്‍ കസ്റ്റഡിയില്‍.മാട്ടൂല്‍ സൗത്തിലെ തൈവളപ്പില്‍ സാജിദ് (30), തൈവളപ്പില്‍ റംഷിദ് (30) എന്നിവരെയാണ് പഴയങ്ങാടി സി.ഐ എം.ഇ. രാജഗോപാല്‍, എസ്.ഐ കെ. ഷാജു എന്നിവര്‍ ചേർന്ന് കസ്റ്റഡിയിലെടുത്തത്.മാട്ടൂല്‍ സൗത്തിലെ പരേതനായ കെ.ഇ. കുഞ്ഞഹമ്മദ്-ഹലീമ ദമ്പതികളുടെ മകന്‍ കടപ്പുറത്ത് ഹിഷാം അഹമ്മദാണ് (31) ബുധനാഴ്ച രാത്രി ഒമ്പതുമണിയോടെ കുത്തേറ്റുമരിച്ചത്. ഒന്നാം പ്രതിയായ സാജിദിന്റെ ബന്ധുവായ പെണ്‍കുട്ടിയെ, കൊല്ലപ്പെട്ട ഹിഷാമിന്റെ ബന്ധു ശല്യം ചെയ്തതിനെ തുടര്‍ന്ന് മര്‍ദനമേറ്റ സംഭവവുമായി ബന്ധപ്പെട്ട പ്രശ്നമാണ് കത്തിക്കുത്തില്‍ കലാശിച്ചതെന്നും പൊലീസ് പറഞ്ഞു.ഹിഷാമി‍െന്‍റ സുഹൃത്ത് ഷക്കീബിനും പരിക്കേറ്റിരുന്നു. ഇയാള്‍ പരിയാരം മെഡിക്കല്‍ കോളജ് ആശുപത്രിയില്‍ ചികിത്സയിലാണ്. ഹിഷാമി‍െന്‍റ മൃതദേഹം പരിയാരം മെഡിക്കല്‍ കോളജ് ആശുപതിയിലെ പോസ്റ്റുമോര്‍ട്ടത്തിനു ശേഷം മാട്ടൂല്‍ സൗത്ത് മുഹിയദ്ദീന്‍ പള്ളി ഖബര്‍സ്ഥാനില്‍ ഖബറടക്കി.