കാസർകോഡ്:പെരിയയിൽ കുളത്തില്‍ കുളിക്കാനിറങ്ങിയ രണ്ട് വിദ്യാര്‍ഥികള്‍ മുങ്ങിമരിച്ചു. ചെര്‍ക്കപ്പാറ സ്വദേശികളായ ദിനേശന്റെ മകന്‍ ദില്‍ജിത് (14), രവീന്ദ്രന്റെ മകന്‍ നന്ദഗോപാല്‍ (14) എന്നിവരാണ് മരിച്ചത്. പെരിയ ചെര്‍ക്കപ്പാറ ഗവ. സ്‌കൂളിന് സമീപത്തെ കുളത്തിലാണ് അപകടം നടന്നത്. ചെറക്കപ്പറ ഇന്‍ഗ്ലീഷ് സ്കൂളിലെ വിദ്യാര്‍ഥികളാണ് മരിച്ചവര്‍.വൈകീട്ട് അഞ്ച് മണിയോടെ കുളത്തില്‍ കുളിക്കാനിറങ്ങിയതായിരുന്നു നാലംഗ സംഘം. ഇതിനിടയിലാണ് അപകടം സംഭവിച്ചത്. കുളത്തില്‍ മുങ്ങി 20 മിനിറ്റിനുശേഷമാണ് രണ്ടുപേരെയും പുറത്തെടുത്തത്.നാട്ടുകാരും കാഞ്ഞങ്ങാട് നിന്നും കാസര്‍കോട് നിന്നുമുള്ള അഗ്നിരക്ഷാസേനയും ചേര്‍ന്ന് ഇവരെ പുറത്തെടുത്ത് കാഞ്ഞങ്ങാട് ജില്ലാ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.