മലപ്പുറം: വളാഞ്ചേരി വട്ടപ്പാറ വളവില്‍ ഇരുമ്പ് കമ്പി കയറ്റിവന്ന ലോറി മറിഞ്ഞ് ഡ്രൈവറും ക്ളീനറും മരിച്ചു.ലോറി ഡ്രൈവര്‍ തമിഴ്‌നാട് മധുകര സ്വദേശി ശബരി എന്ന മുത്തു കുമാര്‍, ക്ലീനര്‍ മലമ്പുഴ സ്വദേശി അയ്യപ്പന്‍ എന്നിവരാണ് മരിച്ചത്. നിയന്ത്രണംവിട്ട് മറിഞ്ഞ ലോറിയുടെയും ഇരുമ്പ് കമ്പികളുടെയും അടിയില്‍ കുടുങ്ങിയ നിലയിലായിരുന്നു ഇരുവരും.ബംഗലൂരുവില്‍ നിന്ന് കൊച്ചിയിലേക്ക് ഇരുമ്പ് കമ്പി കയറ്റിവന്ന ലോറിയാണ് ചൊവ്വാഴ്ച പുലര്‍ച്ചെ നാല് മണിയോടെ അപകടത്തില്‍പെട്ടത്. അപകട മേഖലയായ ഇവിടെ കഴിഞ്ഞയാഴ്ചയും ചരക്കുലോറി അപകടത്തില്‍പെട്ട് ഡ്രൈവര്‍ മരിച്ചിരുന്നു.